අවුරුදු 4කට අත පාලනය කර ගනිමි....

සික් අද මහ මෙලෝ රහක් නැති දවසක්නෙ ඊයෙ උන හැදුනා තාමත් ඇගට අමාරුයි.. මොනවා කරන්නද අද දවසත් හරිගියේ නෑ.... චාටර්ම දවසක්.....

මට මේ ටිකේ ගොඩක් (ගොඩක් කිව්වට දෙතුන් දෙනෙක් කාරනේ හැටියට මට ඒකත් ගොඩක්වගේ තමා) කිව්වා මගේ කතාබහ අල්ලන් නෑ කියලා ඒ කිව්වෙ මගේ භාෂා විලාසය, මම කතා කරන දේවල් නිසා වෙන කෙනෙක්ගෙ හිත රිදෙන්න පුලුවන් කියලා.... මම හැම දෙයක්ම දිහා ආතල් එකට බලන කෙනෙක් ඒක නිසා එහෙම දේවල් මට කියවෙන්න පුලුවන්... කමක් නෑ මේ විදිහට ගියොත් ගොඩක් අය මාත් එක්ක තරහා වෙන එක විතරයි වෙන්නේ ඉතින් මම තීරනයක් ගත්තා....

මම හින්දා වෙන කෙනෙක්ගෙ හිත රිදෙන්න ඕනෙ නෑ.... අද ඉදන් තව අවුරුදු 4ක් යනකන් මම බස් එකේ කාගෙවත් හිත රිදෙන විදිහෙ කමෙන්ට් දාන්නෙ නෑ මඩ ගහන්න යන්නෙ නෑ සංවර විදිහට වචන භාවිතා කරනවා (එහෙම කරන එක ගොඩක් අමාරු වෙයි එහෙම වුනොත් බස් එකේ කමෙන්ට් බැලීම විතරක් කරනවා...) ඊලගට බුකිය ගැනත් එහෙම්මමයි බුකියේදි මඩක් ගියොත් මීට පස්සේ මගේ කමෙන්ට් ඒ මඩවල දකින්න ලැබෙන එකක් නෑ.... චැට් වලටත් ඒ සෙතේම තමා මඩ ගැසීමක් හරි හිත රිදෙන දෙයක් හරි මට කියවෙන්න යනවනං මං එතනින් යනවා....

ඊලගට බ්ලොග් වලත් මගේ මඩ කමෙන්ට් දකින්න නැති වේවි කරන්න දෙයක් නෑ බොහෝ දෙනාගේ හිත සුව පිණීස කරන දෙයක් කියලා හිතාගෙන ඉන්නවා..... මේ බ්ලොග් කෙරුවාව නිසා මට යාලුවෝ ගොඩක් අදුනගන්න ලැබුනා ඒත් මගේම වැරදි නිසා ඒ අය නැති කරගන්න මට ඕනෙ කමක් නෑ.... මගේ මේ වැරුද්ද මට එකපාරටම හදාගන්න බැරි බව මම දන්නවා ඒකයි මෙහෙම තීරනයක් ගත්තේ තව අවුරුදු 4කින් මට වයස අවුරුදු 20ක් වෙනවා.... සමහර විට ඒ කාලෙ වෙනකොට මගේ මේ පුරුද්ද නැති වෙලා යාවි.... නැත්තං ඒ වෙනකොට මට විහිලු කරගෙන ඉන්න පුලුවන් සම වයසෙ බ්ලොගර්ස් ලා සෙට් එකක් වත් බිහිවෙලා තියේවි...

ඒත් මම එක දෙයක් කියනවා මේ අවුරුදු 4පුරාවට මම කාටවත් මඩ ගහන එකක් නෑ ඒත් මම මඩ එකතු කරනවා මගේ අත වැඩ නොකෙරුවත් මගේ මොලේයි ඇහැයි වැඩ කරනවා... ඉතින් ඒ අවුරුදු 4ඇතුලත මට ගහන්න බැරිවුන මඩ (මම පොරොන්දුවුන ඒවා) ඒ අයට තව අවුරුදු 4කට පස්සේ වැදෙයි පරිස්සම් වෙලා ඉදපල්ලා....

එහෙනං තව අවුරුදු 4ක් යනකන් මගෙන් කාටවත් මඩක්වත් හිත රිදෙන කතාවක් වත් අහන්න ලැබෙන එකක් නෑ... ඒක පොරොන්දුවක්!

හැබැයි එහෙම වුනයි කියලා මම බ්ලොග් ලිවිල්ල නවත්තන්නෙ නෑ... බ්ලොග් ලියන අයගේ වැඩ කටයුතු වලට දායක නොවී ඉන්නෙත් නෑ.... ටිකක් අත පාලනය කරන් ඉන්නවා එච්චරයි...

ප.ලි.

මෙහෙම උබලත් එක්ක විහිලුවක් වත් නොකර ඉන්නෙ උබලගෙම හොදට (එක අතකට ඒක මටත් හොදයි...)