සයිබර් මිතුරන් ආයෙත් ගාල්ලට සෙට් වන වගයි!!!!!!!!!

ඕං 2012 උදේ පාන්දරම හිච්චං සෙට්වීමක් වෙන්නලු යන්නෙ ......... ඔව් ඔව් 2012 බ්ලොග් අවකාශෙ උන් සෙට් වෙන මුල්ම ගෙට්ටුව ගාල්ලෙ තියන්නයි ලෑස්ති වෙන්නෙ....... මතක ඇතිනෙ ගියපාරත් අපි සෙට්වුනා ගාලු කොටුවට...... හැබැයි ඉතිං ඒක දාපුගමන් කස්ටිය කිව්වෙ බොල අපිටත් කියලා ගියනං නරකයි නේ කියලා...... හිහි ඒ ගෙට්ටුව ඉතිං මේ හදිස්සියෙ සෙට්වුන ගෙට්ටුවක්නෙ ගාල්ලෙ වැසියො (දැන් බෙන්තර පාලමෙන් එහා) ගෘපියෙන් සෙට්වෙලා දිනයක් කතාකරගෙන ටුං ගාලා සෙට්වුනා ඉතිං වැඩි දෙනෙක්ට ඒක කියන්න වුනේ නෑ.....

ඔන්න ඉතිං මේ පාර පෝස්ටුවකුත් දාලම වැඩේ පටංගන්න හිතුවා...... එතකොට කාටවත් කියන්න බෑ නෙ අපි කලින් කිව්වෙ නෑ කියලා...... කෝමද ටිකිරි මොලේ......

------------------------------------------------------------------------------------------

අඩේ අවුරුදු ගානකට පස්සෙ ත්‍රිපෝෂ වගයක් හම්බුනා..... තාමත් ඉතිං පොඩි එකා තමා අපි කවද්ද දුන්න දේකට එපා කියන්නේ.... ඕං ඉතිං ඒවා දුන්න ඇත්තන්ට පිං සිද්ධ වෙච්චාවෙ කියලා ඒ ටික කනගමන්ම මේකත් ටයිප් කරලා දානවා

------------------------------------------------------------------------------------------

අලි කෝම හරි මේක මේ මහාපරිමාන ගෙට්ටුවක්නං නෙවේ ටිකදෙනෙක් සෙට් වෙලා හොද ආතල් එකක් ගන්න සෙට් කරපු එකක් (ගියපාර වගේ) ගාල්ලෙ උන්ට විතරයි කියලා කතාවක් නෑ ලංකාවෙ එහා කොනේ හිටියත් එදාට එන්න පුලුවන්නං එන්න (දැන් හයිවේ එකත් තියන එකේ ඔය කොලඹ පැත්තෙ ඇත්තොන්ට එන්න බැරි කමක් නෑනෙ)

අහ් දැන් සෙට්වෙන තැන අනංමනං සීන් කෝන් ටික කියලා දාන්නත් එපැයි......

මේ පාර අපි සෙට්වෙන්න තෝරගත්තෙ කවුරුත් වගේ දන්න රූමස්සල. ඔය ලගදි දොහක මාරයා තුමත් ඇවිල්ලා රූමස්සලින් නාලා ගිහින් තිබ්බා ඉතිං සමහරු කියනවනෙ ඔය මාරයා නෑවෙ සෑහෙන කාලෙකට පස්සෙ කියලා ඒක නිසා ඔතන මුහුදෙ වතුර ගැනනං අපිට වගකියන්න අමාරුයි :D :D :D කෝම උනත් නාලා මොකක්හරි වුනොත් වගකීමක් ගන්නත් බෑනෙ ඒ නිසා නොනා ඉන්න එක ඇගට ගුණයි ඒත් ඉතිං නාන්නම ඕනෙ කියලා හිතෙනවනං වගකීම තමන්ට ගන්න පුලුවන්නං නාන්න සෙට්වෙලා ආවට අවුලක් නෑ..... නාන්න පුලුවන් වුනා බැරි වුනා කියලා ඉතිං බීච් එකට ගිහිල්ලා රැල්ල පාගලා පොඩි ආතල් එකක් ගන්න තහනමක් නෑ නෙ

දිනේ ගැන කියනවනං ජනවාරි 7 සෙනසුරාදා දවසක් බොහොමයක් අයට පුලුවන් කිව්ව නිසා ඒ දිනේ තෝරගත්තා.... අහ් වෙලාවත් කියන්න එපැයි උදේ 9.00ට (මෙය උදේ 8.00 ලෙස අප්ඩේට් වූ වගයි) තැන කියනවනං ගාල්ල ස්ටේශන් එකයි බස් නැවතුම්පොලයි යා කරන අලුතෙන් ගහපු පාලම උඩට.... අපට ඉතිං “ව“ යනු නෑනෙ ඒක යටට සෙට් වෙන්න........ පාලම උඩට සෙට් වෙලා එතනින් කට්ටියත් එක්කම රූමස්සලට යන්නයි ප්ලෑන් කලේ..... ඉතිං එදාට ලංකාවෙ පුරුදු අතඇරලා දාලා කට්ටියම වෙලාවට එනවනං ලොකු උදව්වක්........ හයි වේ එකේ පැයෙන්ද කොහෙ එන්න පුලුවන් නිසා ඔය කොලඹ පැත්තෙ උදවියට ඉතිං 7ට විතර එන්න ආවත් වෙලාවට තැනට එන්න පුලුවන්නෙ...... කට්ටියම සෙට් වෙලා ආවනං ට්‍රිප් එකක් වගේ තමා :D :D :D

අහ් තව ඩිංගෙන් අමතක වෙනවා කට්ටියම රුපියල් 200ක් අරන් එන්නකෝ දවල් කෑමට සහ ඔය පොඩි බඩගින්නක් එනවෙලාවට මොවවා හරි කන්න..... තව එකක් පුලුවන්නං වතුර බෝතලයක් ගේන්න විසේසයෙන් ඔය ගෑල්ලමයි..... ආ ඔය යාලුවො එක්ක බෙදාගෙන කන්න ඔය කිරිටොෆි වගේ අනංමනං ටිකක් අරගෙන ආවොත් අනේ ඉතිං අපි එපා කියන්නෙනං නෑ ඒ වගේ හොද වැඩ වලට :D තව ඉතිං ඔය සංගීත භාණ්ඩයක් වගේ දෙයක් අරං එන්න පුලුවන්නං සුපිරි

ඒන කට්ටිය එනවා කියලා කියන්නකෝ වැඩි විස්තර ඒ අයට කියන්නං.....

බෙන්තර පාලමෙන් එහා ගෘපිය

අවුලක් වුනොත් කතා කරන්න

බනී - 0719250005

පොඩි මෑන් - 0719586007

කිඩෝ - 0775215692

හරිනෙ හේනං සෙට් වෙන්න ආසාවක් තියන කස්ටිය එන්ඩෝ

ප.ලි.

ආ පොඩි ආරංචියක් ලැබුනා 2012 සයිබර් ෆෙස්ටිවල් එක ලංකාවෙ තියන්නෙ නෑ කියලා..... ආරංචි විදිහට ඒක මේ මොකක්ද වෙන රටකලු තියන්න යන්නේ..... ඒ රටේ නම උඩ රට කියලලු කියන්නෙ.....

ප.ප.ලි.

ඔන්න එදාට වැඩ සිද්දවෙන විදිහ ගැන පොඩි මෑන්ගෙ පෝස්ටුව

ප.ප.ප.ලි

මෙන්න දැන් ලැබුනු නිව්ස් එකක් - එදාට ගාල්ලේ ගෙට්ටුවට සමගාමීව සයිබර් ෆෙස්ටිවල් එක පැවැත්වෙන ආකාරය ගැනත් කතාබහ කරනු ලැබේ......

ප.ප.ප.ප.ලි

ඔන්න කෙළඹින් යන අය මෙන්න මේ පෝස්ට් එක බලන්න

ප.ප.ප.ප.ප.ලි

එදාට එන අය මෙන්න මේකත් පුරවලා දෙනවනං අපට කරන ලොකු උදව්වක්

ප.ප.ප.ප.ප.ප.ලි

කොළඹින් යන අය මේ පෝස්ට් එක බලන්න (අප්ඩේට්)

ප.ප.ප.ප.ප.ප.ප.ලි

පෝස්ට් එකට වඩා ප.ලි වැඩියිනේ බ්ලොග් අවකාශෙ වැවිම ප.ලි සහිත ලිපිය මේක වගෙයි ලොල් :P

ප.ප.ප.ප.ප.ප.ප.ප.ලි

සයිබර් ගෙට්ටුවේ තීම් සෝන්ග් බයි පොඩිමෑන් දැන් පිටවූ වගයි

ප.ප.ප.ප.ප.ප.ප.ප.ප.ලි

ගාල්ලේ අයට උදේ 9.00ට එන්න කී වෙලාව උදේ 8.00 ලෙස වෙනස්විය. ගාල්ලෙන් සෙට් වෙන අය 7 උදේ 8.00ට ගාල්ල දුම්රියපල හා බස් නැවතුම්පොල යා කරන පාලම උඩට එන්න (අප්ඩේට්)

ශ්‍රී ලාංකීය බ්ලොග් අවකාශයේ පික්ෂු හැදෙන... නෑ නෑ අනාවැකිය නෙවේ පාපොච්චාරනය.....

අභි අයියාගෙ ශ්‍රී ලාංකීය බ්ලොග් අවකාශයේ පික්ෂු හැදෙන අනාවැකිය මුලු බ්ලොග් අවකාශෙම කැලබීමක් ඇති කරා. ඒ පෝස්ට් එක කියෙව්වයින් පස්සෙ අපි ආපහු සෙට් වෙන එකක් නැද්ද කියලා හිතුවෙ නැති එකෙක් ඉන්න විදිහක් නෑ.... ඒත් අභි අයියා තාම පැහැදිලි හේතුවක් කියලා නෑ නෙ ඇයි එහෙම ලිව්වෙ කියලා එක ලග මේකට අදාලයි කියලා හිතන්න පුලුවන් ඒත් එකිනෙකට වෙනස් සිද්දීන් දෙකක් සිද්දවුන නිසා අපටත් අමාරුයි හේතුව හොයාගන්න. සිද්දි දෙක මොකක්ද කියලා අමුතුවෙන් කියන්න දෙයක් නෑනෙ.

එකක් අර අමිල කිව්ව එල්කේ ගොසිප් නිව්ස් සීන් කෝන් එක ඒවා මේ බ්ලොග් අවකාශෙ හැමදාම වුනා එකෙක් වැඩක් කරනකොට තව එකෙක් ඌට වරදිනකං කින්ඩි දාන්න බලං ඉන්නවා ඒක ඉතිං සයිබරේට විතරක් අදාල දෙයක් නෙවෙයිනෙ හැමදාමත් ඒක වුනා ඉස්සරහටත් වේවි. ඒත් ඉතිං හැමදාම එහෙම කලේ සුලුතරයක් අනිත් අය එකමුතුව හිටියා හැමදාම. වෙන එකක් තියා සයිබරේ හැමෝම බොක්කෙන්ම ඉලන්දාරියා(දිලුම් අයියා) ගොඩදාන්න එකතුවුනාට ඒකට විරුද්ධ වුන සෙට් එකකුත් හිටියා. ඉතිං ඒක අනිත් එයගේ එකමුතු කමට ප්‍රශ්නයක් වුනේ නෑ නේ. මේකෙදිත් එහෙම වෙන එකක් නෑ....

දැන් අනිත් සීන් එක. ඒකෙනං සම්පූර්ණ වැරැද්ද අපේ අතේ. මේක ගැන විස්තරේ සමහරු දන්නවා ඇති සමහරු නැතුව ඇති. හැබැයි බහුතරයක් ලාවට හරි මේක ගැන අහලා ඇති. වටේ යන්නේ මොකටද දෙසැම්බර් 10 බ්ලොග් කරුවො සෙට් වෙලා ක්‍රිකට් මැච් එකක් තියන්න සෙට්වුන බව කවුරුත් අඩුම ගානෙ නමිං හරි දන්නවා ඇතිනේ.

මං දන්න විදිහට ඒ හීනෙත් දැක්කේ අභිත අයියම තමා අගෝස්තු මුල වෙගේ දැකපු ඒ හීනෙ හැබෑ කරලා පෙන්නන්න අවස්ථාව ලැබුනේ ආදුනික බ්ලොග් කරුවො වුන බස් පදින අපි කිහිප දෙනෙකුට පරණ බ්ලොග් කරුවො ඒ කිව්වේ සයිබර් අවුරුදු උත්සවේ කරපු සෙට් එක අපිට උදව් කරා වෙන්න ඕනෙ ඒවා කිව්වා

ඇත්තටම ඒ අය අපි ගැන ලොකු විශ්වාසයක් තිබ්බා කියලා පෙනුනා එහෙම වැඩක් අපට කරන්න කියලා බාරදුන්න එකෙන්. ඇත්තටම මුල් සති කීපයේ අපිත් පුදුම උනන්දුවකින් හිටියේ. ඒත් මේ ඔක්කොටම කෙලවෙන කාරනේ ඒ කිව්වේ අපිට තව ඇති තරම් කාලය තියනවා කියලා අපි හිතපු එක අපිට පරහට හිටියා. මුල් සතිය දෙක ඇතුලතදි බජට් හදලා එක එක්කෙනාට වැඩ බෙදලා දීලා ඔක්කොම වැඩ ටික දෙට් කරගන්න අපට පුලුවන් වුනා.

ඒ වෙනකොට අපිට ඉතුරුවෙලා තිබුනේ ස්පොන්සර්ස්ලා අල්ලගන්නයි පිට්ටනිය බුක් කරන්නයි විතරයි. ඒත් ඉතින් ඇති තරම් කාලය තියනවා කියලා අපි හිතන් හිටපු නිසා ඒ වැඩේ දවසින් දවස කල් ගියා.... පටංගන්නකොටම වගේ අනිත් වැඩ ටික සෙට් කරලා ඉවරවුන නිසා මැදදි අපට කරන්න දෙයක් නැතිවුනා මොකද අපි ප්ලෑන් කලේ ඔක්තෝබර් වල ඉගි දෙන්න අරගෙන(ඒ ඉගි වැඩේ නං වුනා) නොවැම්බර් වල ඇත්ත හෙලි කරන්න. ඒත් ඉතිං අගෝස්තු අග වෙද්දි අනිත් වැඩ ටික කරලා ඉවරවුන නිසා අපිට මුලු සැප්තැම්බර් මාසෙම තිබුනා වැඩක් නැතුව.

ඉතිං ඒ මාසෙ ඇතුලත අපේ තිබ්බ උනන්දුව ගොඩක් අඩුවුනා ඒක අපේ වැරැද්ද කොහොම හරි ඒ නැතිවුන උනන්දුව ආපහු තිබුන තත්වෙට ගන්න අපිට බැරිවුනා ඉතිං අන්තිමට වුනේ අභි අයියගේ හීනෙ හැබෑකරන්න අපිට බැරිවුන එක..... ඒකට ඉතිං හැමෝගෙන්ම සමාව ඉල්ලනවා අපිට ඒ වැඩේවත් හරියකට කරගන්න බැරිවුනා අපි කාටවත් ඇගිල්ල දික් කරන්න යන්නෙ නෑ මොකද වැරැද්ද අපේ.... ආයෙ චාන්ස් එකක් ආවොත් ඒ වැරැද්ද නොකරන්න අපි වගබලා ගන්නවා

ඉතිං කට්ටිය සෙට්වෙන හීනෙ දෙසැම්බර් මාසෙදි හැබෑ කරන්න බැරිවුන එක ගැන අපි හැමෝගෙන්ම සමාව ඉල්ලනවා.....

ප.ලි.

මේ ගැන කවුරුත් මං දන්න තරමින් පෝස්ට් එකක් දැම්මේ නෑ ඉතිං කට්ටියටම දැනගන්න මම කියන්න ඕනෙ ටික කිව්වා.... ඒත් ඉතිං මේ පාර නං අභි අයියගේ මේ අනාවැකියනං බොරු වෙනවා...... එහෙම වෙන්න කියලා මම ප්‍රාර්ථනා කරනවා....

පා.පා.ලි.

මේක අභි අයියගේ පෝස්ට් එකට කමෙන්ටුවක් විදිහට දාන්න හිතුවත් ටිකක් දිග වැඩි වෙනවා වගේ පෙනුන නිසා ටිකක් මොඩිෆයි කරලා පෝස්ට් එකක් විදිහට දැම්මා

අපෙ රජාගෙ ටිකිරි මොලේ

හෆ්ෆා ඉතිං මේ දවස්වල ලෝකෙ වටේම මරු මරු සිද්දි වෙනවනෙ ඕං ගඩාෆිත් මලා කෝම හරි බූරුවගෙ විප්ලවේ වැඩ කලා ඒත් අනේ මුං බූරුවොම තමා කියලා හිතුනා බුකියෙ කජුවත්ත එක්සත් Cricket සමාජය පේජ් එකේ දාලා තිබ්බ පෝස්ට් එකක් දැක්කාම බඩු තිබුනෙනං මේ විදිහට

‎"අප්‍රිකාවේ ස්විස්ටර්ලන්තය" හෙවත් ලිබියාව සහ කර්නල් මුවම්මර් ගඩාෆි ගැන ඔබ නොදත් කරුණු 16ක්...

1.ලිබියාවේ විදුලි බිල් නොමැති අතර විදුලිය සියලු ලිබියානු වැසියන්ට නොමිලේ ලබා දේ.

2.ලිබියාවේ බැංකු රජය සතු වන අතර බැංකු ණය සදහා පොලිය 0% කි,එනම් බැංකු ණය සදහා පොලී අය නොකරයි.

3.නිවසක් යනු සියලු ලිබියන් වැසියන් ගේ මානව අයිතියක් ලෙස සලකන අතර සියලු ලිබියන් වැසියන්ට නිවසක් ලැබෙන තුරු තම දෙමව්පියන්ට නිවසක් ලබා නොදෙන බවට ගඩාෆි දිව්‍ රා ඇත.

4.අලුතින් විවාහපත් වන අය සදහා රජය විසින් ඩිනාර් 60000ක්(ඇ.ඩො 50000ක්) ලබා දෙයි,ඒ ඔවුන්ට නිවසක් ලබා ගැනීමටයි.

5.අධ්‍යාපනය සහ සෞඛ්‍ය සේවාවන් සියල්ල නොමිලේ වන අතර ගඩාෆි පැමිනීමට පෙර ලිබියාවේ සාක්‍ෂරතාව 25% පමනක් වූ අතර දැන් එම අගය 83% කි.

6.ලිබියන් වැසියන් රැකියාව ලෙස ගොවිතැන තෝරා ගනු ලැබූවොත් ඔවුන්ට ගොවිතැන් කිරීමට භූමියක්,ගොවි නිවසක්,උපකරණ,බීජ වර්ග නොමිලේ ලබා දේ.

7.ලිබියන් වැසියන් ලිබියාවේදී ඔවුන්ට ලැබෙන අධ්‍යාපන හා සෞඛ්‍ය සේවා ගැන සෑහීමකට පත් නොවනවා නම් පිටරටකට ගොස් එම සේවා ලබා ගැනීම සදහා රජය විසින් ඇ.ඩො 2300ක දීමනාවක් ලබා දෙයි.

8.ලිබියන් වැසියෙක් ලිබියාවේදී කාර් රථයක් මිලදී ගන්නවා නම් රජය විසින් එහි මිලෙන් අඩක් ලබා දෙයි

(http://www.facebook.com/Kaju.Waththa.Eksath)

9.ලිබියාවේ පෙට්‍රල් ලීටරයක මිල ඇ.ඩො 0.14 කි.

10.ලිබියාව ලොව කිසිම රටකට හෝ බැංකුවකට ණය නැති අතර ලිබියාව සතු සංචිත ප්‍රමාණය ඇ.ඩො බිලියන 150කි.

11.ලිබියන් වැසියෙකු උපාධිය ලබා ගැනීමෙන් පසු ඔහුට සරිලන රැකියාවක් ලැබෙන තුරු ඔහුගේ රැකියාවට අනූව ලැබෙන වැටුප මෙන් ගෙවීමක් රජය විසින් කරයි.

12.ලිබියාවේ තෙල් විකුණා ලැබෙන ආදායමෙන් කොටසක් සෑම ලිබියන් වැසියෙකුගේම බැංකු ගිණුමට බැර වෙයි.

13.දරුවෙකු බිහි කරන සෑම මවකටම ඇ.ඩො 5000ක දීමනාවක් රජයෙන් ලබා දෙයි.

14.ලිබියාවේ පාන් රාත්තල් 40ක මිල ඇ.ඩො 0.15කි.

15.ලිබියන් වැසියන් 25% කට විශ්ව විද්‍යාල උපාධියක් ඇත.

16.ලොව විශාලතම වාරි මාර්ග ව්‍යාපාරය ගඩාෆි විසින් සිදු කල අතරකාන්තාර දේශයක් වන ලිබියාව පුරා ජලය සුලභ කිරීමට ඉන් හැකි විය.

ලිබියාව සහ කර්නල් මුවම්මර් ගඩාෆි ගැන ඔබ මෙම කරුණු නොදැන සිටියා නම් මෙය Share කරන්න.

ඕං ලොවෙත් නෑ ‍නේ මෙච්චර දුන්න මිනිහෙක්ට අන්තිමට වුන දේ......

අන්න ඒකට අපේ නායකයෝ කෙලින්ම පරම්පරාවක්ම ඉස්සරහට හිතලා බලලා තමා ගේම දෙන්නේ.... ලංකාව ආසියාවේ අශ්චර්ය්‍ය කරා කියමුකෝ ඒත් ඊට පස්සේ ලිබියාවෙ වුනදේම ලංකාවෙත් වුනොත් කාලා හමාරයිනේ..... ඉතින් අපේ නායකයා රැවුලයි කැදයි දෙකම බේරගෙන වැඩේ දෙනවා එක පැත්තකිං ලංකාව දියුනු කරනවා(ලු) ලගදි ලංකාවෙ තෙල් තියනව කියලත් හොයාගත්තයි කියලා ඔය කිව්වේ..... අහ් ඇයි ඒ විතරද දක්ෂීණ අධීවේගී මාර්ගෙත් ලගදිම විවෘත වෙනවනෙ තව අනං මනං සීන් කෝන් ගොඩයි..... ගානට වැස්සොත් රාජා භවතු ධම්මිකෝ කියයි... ගංවතුරක් ගලන්නම වැස්සොත් නැත්තං හෙන නියගයක් ආවොත් අනේ ඒවටනං රජාගෙ ධාර්මිෂ්ඨ බවේ කිසිම සම්බන්ධයක් නෑ...... ඒවටනං හේතු වෙන්නේ ඔය බෙංගාල බොක්කෙයි අනං මනං තැන් වලයි වායුගෝලීය සීන් කෝන් ලු...... (ඇහ් එතකොට රජාගෙ ධාර්මිෂ්ඨ බාවය රදා පවතින්නේ බෙංගාල බොක්කේ වායුගෝලිය බලපෑම මතද මරුනෙ අෆ්ෆා.....)

කෝම උනත් ඔන්න ලගදි තව ඩබලක් ඇර ගත්තා... ලොවෙත් නෑ ලංකාවෙ හරිහමන් චිත්ත්‍රපටියක්වත් එලියට නොඑන කාලෙ මෙන්න බඩු අතිබිහිසුණු සටන් ජවනිකා, රහස් පරීක්ෂක වැඩ වගේ අනංමනං සීන් කෝන් ගොඩයි... හැබැයි පොඩි පරහකට තිබුනේ මේ චිත්ත්‍රපටියෙ ජවනිකා ශෝ එකෙන් ශෝ එකට වෙනස්, අද යන කතාව නෙවේ හෙට.... දෙබස් වෙනස්වෙලා චරිත මාරුවෙලා පිටපත වෙනස් වෙලා ආයෙ ලොවෙත් නැති විදිහට ඊලග දවසෙ යනවා..... අද මුලින් මැරෙන එකා ඊලග දවසෙ මැරෙන්නෙ අනිත් එකා වැටුනට පස්සේ.... අද එකෙක් වෙඩි තියනවා හෙට ඌ වෙඩි තියන් නෑ..... අද එකෙක් තියන වෙඩිල්ල හරියටම අනිකට වැදෙනවා හෙට වදින්නේ වෙන එකෙක් තියන වෙඩිල්ල.... ටිකක් හොයලා බැලුවාම මේකට කියන්නේ මේ චිත්‍රපටි කලාවේ නව ඉසව්වක් කියලලුනේ.......

ඕනෙ ඉසව්වක් ඒත් ඉතිං මම ලමයටනං හිතෙන්නේ මේකත් අපේ නායකතුමාගේ ලොවෙත් නැති ප්ලෑනක් කියලා..... ගිය එකා ගියා ඌව ආයෙ උපද්දන්නයෑ.... මේක කෙලින්ම අපේ අපේ නායකතුමාගේ උගත් කම හොදට පෙන්නන අවස්ථාවක්. ඇත්තටම මේ දැන් යොදාගන්න තියරියට කියන්නේ "ගිය හකුරට නාඩන්නේ තියන හකුර රැකගන්නේ තියරිය" කියලාලු. පට්ට ප්‍රැක්ටිකල් තියරියක්..... සරලවම ගත්තොත් ගිය එකාගෙ ඡන්ද ටික නැතිවෙලා ඉවරයි ඉන්න එකාට කෙලෙව්වොත් උගේ ඡන්ද ටිකත් ඉවරනෙ.... 500න් පාඩුව 1000ක් කරගන්න කවුද කැමති..... අනික දැන් තියන තත්වෙ අනුව ඉන්න එකා තරහ කරගෙනත් බෑ නොවෑ ඌටත් බටර් ගාලා බැරිනං දියකරලා වක්කරලා හරි තමන්ගාව තියාගන්නත් එපැයි.....

ඔන්න ඔහොමයි සේෆ්ටි ෆස්ට් කියාගෙන තමා රජා ලංකාව ආසියාවෙ ලොවෙත් නැති කරන ගේමට එන්ටර් වෙලා තියෙන්නේ.... අපේ නායක තුමා ලිබියාවෙ වුන දේ නොවෙන විදිහට ලංකාව ආසියාවෙ අශ්චර්ය්‍ය කරලා ලංකාවෙ රජ වෙන්න පරම්පරා ගානක් දුර හිතලා දුන්න ගේම පට්ටයි නේ..... රටම රජාගෙ වුනාම කව්ද අෆ්ෆා රජාට විරුද්ධව කැරලි ගහන්නෙ.... කෝමද අපේ රජාගේ ටිකිරි මොලේ....

කවදද මුං තේරුම්ගන්නේ? (කීඩෑවා බැක් අගේන්)

අප්පා බ්ලොගේ හොදටම වල් වැදිලා.... සික් මාස එකහමාරකින් පෝස්ට් එකක් ලියලා නෑ... පෝස්ට් එකක් ලියන්න තියා අනිත් උන්ගේ පෝස්ට් එකක් කියවන්නවත් බැරිවුනා..... පට්ට බිසී කිව්වත් අන්තිමට හිතලා බලද්දි කරපු රෙද්දකුත් නෑ. කොහොම උනත් ගොඩ දෙනෙක් ඇහුවා මොකෝ මල්ලි සයිලන්ට් කියලා... එහෙම හොයලා බලපු කස්ටියට තැන්කූ වේවා.... මොනවා කරන්නද දැන් ලියන්න දෙයක් හිතට එන්නෙත් නෑ මට මතක්වෙන්නේ මම 50 ගහන්න දවස් 18ට පෝස්ට් 12 ටාගට් එක තියන් ලියපු කාලේ හයියෝ ඒ ටිකෝ පෝස්ට් 12ට 24ක් ලියන්න තරම් දේවල් ඔලුවට ආවා කොහොම හරි හයිස්පීඩ් යන්න ගිහිල්ලා 50 ටාගට් එකට බ්ලොගේට අවුරුද්ද වෙන දවසට සතියකට විතර කලින් යනවා බොහොම අමාරුවෙන් ඒ දවස් ටිකේ පෝස්ට් නොලියා හිටියේ... ඒකට දැන්...

කොහොම වුනත් දැන් වෙනදා වගේ හැම තැනකම වල බහින්න එක ගොඩක්ම අඩුවෙලා බුකියේ චැට් වලටත් වෙනදා වගේ සෙට් වෙන්නේ නෑ ගොඩක් වෙලාවට පැත්තකට වෙලා ඉන්නවා බස් ගැනත් ඉතින් එහෙම්මම තමා ටිකක් හරි ටච් එකේ ඉන්නේ බස් රේඩියෝ චැටේ තමා.... බ්ලොග් කියවීම ගැන ගත්තොත් ඉස්සර දවසකට පෝස්ට් 50ක් විතර කියවපු මම මේ මාස එකහමාරටම පෝස්ට් 50ක් වත් කියෙව්වේ නෑ.... ගොඩක් වෙලාවට පෝස්ට් එකක් අලුත් ටැබ් එකක ඕපන් කරනවා පස්සේ කියවන්න හිතාගෙන ඒත් ඉතින් ඒක එහෙම්මම තියනවා කියවන්නේ නැතුව (මම වෙන වැඩවල ඉන්න නිසා ඕක කියවන්න වෙලාවක් එන්නෙම නෑ ඉතින් එහෙම්මම අමතක වෙලා යනවා) ඊට පස්සේ ඕක ආපහු දකින්නේ නිදාගන්න කම්පියුටරේ ඕෆ් කරන්න යනකොට ඉතින් ඕක ඔහොම්මම අමතක වෙනවා....

මේ හේතු නිසා මම ලාවට වගේ සයිබරයෙන් දුරස් වුනා වගේ දැනෙනවා ඇත්තටම මේකෙ වුන සමහර දේවල් මම දන්නෙත් නැති තරං පොඩි මෑන්ගේ බ්ලොගේ කුණුහර්ප තියනවා කියලා මොකක්ද කතාවක් දවසක් ස්කයිප් කෝල් එකකදි පොඩි මෑන් කිව්වත් මට ඒ සීන් එක හරියට මීටර් වුනේ නෑ... ඊයේ පොඩිමෑන් බුකියේ දාලා තිබුනු ලින්ක් එකක් ඕපන් කලා ඒකත් වෙනදා වගේම එහෙම්මම තිබුනා පස්සේ වෙලාවක කියවන්න කියලා රෑ 8ට විතර පොඩි මෑන් බුකියේ චැටකිං ලින්ක් එකක් එව්වාම තමා මතක්වුනේ 6ට විතර ඕපන් කරපු පේජ් එක තාමත් එහෙම්මමයි කියලා ඉතින් ඒක කියවලා බැලුවාම තමා සීන් එක මීටර් වුනේ.... අද රංග අයියත් ඔය ගැන පෝස්ට් එකක් දාලා තිබුනා.....

ඉතින් මම ඒක කියවගෙන යද්දි weni දාලා තිබුන කමෙන්ට් එකකට ටිකක් හිත ගියා ඒ කමෙන්ටුව නං මෙහෙමයි තිබුනේ

"ළමයි බ්ලොග් කියවල නරක් වෙනවා නම් වැරැද්ද බ්ලොග් ලියන අයගෙ නෙවෙයි..එච්චරම අස්ථාවරව ළමයව හදපු අම්මලගේ තාත්තලගෙ තමයි..නිකන් හදන්නන් වාලේ හදන්නෙ නැතුව ළමයිව ලෝකෙ හොඳ නරක දෙක තෙරුම් ගන්න පුළුවන් වෙන්න හදන්නෙ නැතුව..ළමයව අපතයො විදියට හදලා අම්මලා තාත්තල ළමයින්ට වැරදුනහම.. අන්තර්ජාලයටයි, බ්ලොග් වලටයි, එෆ් බී වලටයි බැනල හරි යනවද? පොල්ලක් අරගෙන තලා ගන්න ඕනි තමන්ටමයි එහෙව් අම්මලා තාත්තලා. නෙළුම් මල් පිපෙන්නෙ මඩ වගුරෙ තමයි..මඩට බැහැලා මඩ ගාගනෙ නැතුව නෙළුම් මල් කඩන්න හරි ඒ සුන්දරත්වය විඳ ගන්න හරි ඕනි කියලයි මට හිතෙන්නෙ!"

මේක දැක්කාම මටත් පොඩි කරුනු ටිකක් කියන්න හිතුනා ඇත්තටම කලින් මම මේ ගැන පෝස්ට් එකක් ලියන්න ගියත් මේ සීද්දිය මට වඩා සමාජේ පිලිගත්ත දැනුමින් වැඩි අය ගැන සිද්දියක් හින්දා මේක ගැන නොලියන්න මම තීරනය කලා ඒත් මේ සීන් එක හින්දා ලාවට වගේ (ඒකම අරමුණු කරගන්නේ නැතුව) ඒක ගැනත් කියන්න හිතුනා

ඇත්තටම අපේ සමාජයේ ගොඩක් අය අලුත්/ තමන් නොදන්න/ තමන්ට නුහුරු දේකට ගොඩක් බයයි. මේකට හොදම උදාහරනේ තමයි පරිගණකය. අලුත් පරම්පරාව මේකත් එක්ක ටච් එකේ හිටියට මැදිවියේ අයගෙන් ගොඩ දෙනෙක් මේ පරිගණකය අන්තර්ජාලය වගේ දේවල් ගැන ලොකු දැනුමක් තියන අය නෙවෙයි. ඉතින් ඒ බහුතරය දන්නේ ඔය එක එකා කතා කරන දේවල් ගැනයි පත්තරවල යන දේවල් ගැනයි විතරයි.

හැම තැනකම හොද දේකට වඩා කරක දෙයක් මාකට් කරන්න ලේසියි ඉතින් පත්තරයක් ගත්තත් තියෙන්නේ පරිගණක භාවිතය නරකයි, අන්තර්ජාලය කියන්නේ පොඩි එකෙක් දෙසවත් නොබැලිය යුතු නරක තැනක් වගේ අදහසක් එන ලිපි (ඇත්තටම අන්තර්ජාලය නිසා වුන හොදක් ගැන ලංකාවේ පත්තරේන ගිය ලිපියක් මම තාම දැකලා නෑ) ඉතින් අපේ අයත් හිතන්නේ හරි මේක තමා ඇත්ත පරිගණකය, අන්තර්ජාලය වගේ දේවල් වලින් ගන්න කිසිම හොදක් නෑ කියන එක. හැම දේකම හොද වගේම නරකත් අඩු වැඩි වශයෙන් තියනවා එහෙම හොදම විතරක් තියන කිසිම දෙයක් මේ ලෝකෙ නෑ.

ඉස්සර මැනුවල් වැඩ කරපු ගොඩක් ආයතන දැන්/ඉස්සරහට වැඩ කරන්නේ පරිගණක භාවිතයෙන් ඒත් ඉතින් ඒ ආයතන වල සේවය කරන අයට බෑ අපිට ඔය පරිගණක ගැන තේරෙන්නේ නෑ පරන විදිහට වැඩ කරමු කියලා පරන විදිහට වැඩ කරන්න මොකද ලෝකෙ ඉස්සරහට යන්නේ තාක්ෂනෙත් එක්ක ඉතින් ලෝකේ තාක්ශනය දියුණු වෙන විදිහට අපි අප්ඩේට් නොවුනොත් ‍අපි පරාදයි. අපේ ගොඩක් වැඩිහිටියොන්ට ඒක තේරුම් කරන්න අමාරුයි

දැන් මාස කිහිපයකට කලින් පත්තරේක ‍ලිපියක් තිබුනා පරිගණකට භාවිතය ගැන ලංකාවේ විද්වතුන් කිහිප දෙනෙකු‍ගේ අදහස් පලවුන ලිපියක්. ඇත්තටම ඒ අය කියලා තිබුනේ පරිගණකය පාවිච්චි කරන්න අමාරුයි කියලා හේතුව හැටියට එක එක කතා කියලා තිබුනත් ඇත්තටම එතන තිබුනේ ඒ අය පරිගණකයට නුහුරු වීම. ඉතින් ඒ විදිහට තමන්ට ඒක නුහුරු දෙයක් වුනාම ගොඩ දෙනෙක් කරන්නේ පරිගණකය කියන්නේ පාවිච්චි කරන්න ඕනෙ දෙයක් නෙවේ (මොකෝ මට ඒක පාවිච්චි කරන්න තේරෙන්නේ නැති නිසා.. මේ කෑල්ල ඒ අය කියන්නේ නෑ) ඒකෙන් වෙන හොදක් නෑ කියලා කියන එක.

ඉතින් weni කියලා තිබුනා වගේ දරුවෝ ඒවගෙන් වැරදියට ප්‍රයෝජන ගත්තාම දෙමව්පියෝ ගොඩක් වෙලාවට කරන්නේ අන්තර්ජාලයට හා පරිගණක වලට බනින එක. මොකට ඒ අය දන්නේ අන්තර්ජාලය කියන්නේ හොද දෙයක් නෙවේ කියලා නිසා (තමන්ගේ පැත්තෙනුත් වැරැද්දක් තියනවා කියලා ඒ අය තේරුම් ගන්නේ නෑ).

ඒකත් හරියට දැන් පොඩිමෑන්ගේ බ්ලොග් එකේ කුණුහර්ප තියනවා කියලා ගිය අවුල වගේ තමා. කුණුහර්ප කියන්නේ මොනවද කියලා නොදැන නිකං බොරුවට හෙන සද්දයක් දාලා.... අන්තිමට බලද්දි සද්දෙයි පඩ ගදයි විතරයි... අපේ උන් කවදා මේක තේරුම්ගනියිද මන්දා....

කාලකණ්නියා.....

හැමෝගෙම ජීවිත අපි හිතන තරං ලස්සන නෑ.....

ඉතිං මට මොකෝ බන්....

උබට විහිලු උබ දැන්නවද උබ මේ ආතල් එකේ ඉන්න වෙලාවේ ලෝකේ කී දෙනෙක් දුකින් ඉන්නවද කියලා....

ඉතිං මට මොකෝ බන්....

උබ අඩුගානේ දන්නවද පාන් ගෙඩියක ගාන කොච්චරද කියලා....

ඉතිං මට මොකෝ බන්....

උබ දන්නෑ උබ වාසනාවන්තයි උබට හොදට කන්න බොන්න තියනවා ඒත් උබ දන්නවද මේ ලෝකේ බඩගින්නේ මැරෙන අය කොච්චර ඉන්නවද කියලා....

ඉතිං මට මොකෝ බන්....

උබට මේවගෙ ගානක් නෑ උබ දන්නෑ ජීවිතේ කියන්නේ මොකක්ද කියලා ටිකක් ඇස් ඇරලා බලපන් මේ ලෝකේ වෙන්නේ මොනවද කියලා....

මොනාව වුනත් මට මොකෝ බන්....

උබනං මහ කාලකණ්නියෙක් බන්....

ඉතිං බොට මොකෝ....

ඔහොම කියපු අය ගොඩක් හිටියා.... ඒත් වැඩි කාලයක් හිටියේ නෑ.... උබටත් ‍තේරේවි ලගදිම....

ජීවිතයට වටිනාකමක්?

මේක අපේ ගිය ඉරිදා මැත්ස් පන්තියේදි සිද්දවුන දෙයක් සම්බන්දව ලියන්න හිත්නේ සිද්දියනං මෙහෙමයි

එදා පාඩම කරකර ඉන්න ගමන් සර් අපෙන් ප්‍රශ්නයක් ඇහුවා කොහොම හරි උත්තරේට එන්නේ දන නැත්තං සෘණ සර් දන කියන අයයි සෘණ කියන අයයි අත් උස්සන්න කිව්වා පන්තියේ බහුතරය උත්තරේ දැනංහිටියත් අත ඉස්සුවේ නෑ එකකටවත්. සරුත් දැනන් හිටියා කට්ටිය උත්තරේ දන්නවා කියලා ඉතින් සර් ඊලගට කිව්වා ගෑනු ලමයි අත් උස්සන්න කියලා.... කවුරුත් නෑ.... පිරිමි ලමයි අත් උස්සන්න.... ඒත් කවුරුත් නෑ.... හුම් මේකෙ ඉන්නේ ඔක්කොම දෙකටම නැති අයද කොහෙ කියාලා සර් පොඩි දේශනයක් දුන්නා ඉතින් මම ඒ දේශනේට මගේ මතයත් එකතු කරලා ලියන්න යන්නේ

හරි මුලින්ම හිතන්න ඔයා කවුද කියලා.... කවදාවත් ඔයා ඔයාව අදුනගන්න උත්සහ කරලා තියේද? ඔයාට වටිනාකමක් දෙන්න උත්සහ කරලා තියේද.... සමහරවිට ඔයාලා මම මේ පුද්ගලයා වගේ වෙනවා කියලා දැනටම හිතාගෙන ඇති. ඒත් ප්‍රශ්නේ තියෙන්නේ ඔබ ඔබේ වටිනාකම බලන්න, ඔබේ අනාගතය තීරණය කරන්න ගත්තේ මොනවගේ මිනුමක්ද කියන එක

ගොඩක් වෙලාවට අපි අපේ වටිනාකම බලන්නේ අපේ යාලුවෙකුට හරි අපි දන්න කෙනෙකුට හරි සමාන කරලා ඒත් ඒක ප්‍රායෝගිකද කියලා ප්‍රශ්නයක් මතුවෙනවා. මොකද මේ ලොකේ එක්කෙනෙක්ට එක්කෙනෙක් කවදාවත් සමාන නෑ බාහිර පෙනුමෙන් හිතන විදිහෙන් තමන්ගේ දකෂතා වලින් එක් අයෙක් තවත් අයෙක්ට වඩා ගොඩක් වෙනස්. ඉතින් එක් අයෙක් දිහා බලාගෙන තමන්ට කවදාවත් වටිනාකමක් දෙන්න බෑ. ඒක හරියට නිකං බල්ලෙක් කුරුල්ලෙක් දිහා බලලා පියාබන්න බැරි නිසා තමන් වටිනාකමින් අඩුයි කියලා තිරණය කරනවා වගේ වැඩක්

දැන් ටිකක් හිතලා බලන්න අපි විවිධ සමාජවල ඉන්නවා. ඒ එක සමාජයක ඉන්නකොට අපිට හිතෙන්න පුලුවන් අපි තමා එතන ඉන්න පණ්ඩිතයා කියලා ඒත්. වෙනත් සමාජයකට අපි ගියාම අපට හිතෙන්න පුලුවන් අපි තමා එතන ඉන්න පල්ම මෝඩයෝ කියලා. ඒක තැන අනුව, දක්ෂතා අනුව වෙනස් වෙනවා ඉතින් ඒ විදිහට තවත් කෙනෙක්ට සමාන කරලා අපිට වටිනාකමක් දෙන්න බෑ...

එහෙනං කොහොමද තමන්ට වටිනාකමක් දෙන්නේ.... අර පරණ කියමනක් තියනවානේ "ලොවෙන් එකෙක් එක දේකට වේ සමත" කියලා ඉතින් තමන්ටත් විශේෂ හැකියාවක් ඇති ප්‍රශ්නේ තියෙන්නේ අපි හොයාගන්න ඕනේ මොකක්ද අපේ තියන විශේෂ හැකියාව කියලා ඒක අනිත් අය එක්ක සසදලා කියන්න බෑ මොකද ඒ අයගේ දකශතාවයන් වෙනස් වෙන්න පුලුවන් නිසා... හිතලා බලන්න තමන් වැඩිපුරම ආස/දක්ශ මොකක් කරන්නද කියලා ඒවැඩේ කරද්දි එන්න එන්න ආසාව වැඩිවෙනවා මිසක් අඩු නෙවෙන දෙයක් මොකක් වුනත් තමන්ට එපා වෙන්නේ නැති දෙයක්... ඒත් ඒක මොකක්ද කියලා මටනං කියන්න බෑ

ඊලගට ඔය මොක තිබ්බත් වැඩක් නෑ තමන්ට ආත්ම විශ්වාසයක් නැත්තං... කෙලින් තීරණයක් ගන්න බැරිනං... ගන්න තීරණ ගැන විශ්වාසයක් නැත්තං.... ගත්ත තීරනය වෙනස් නොකර ඉන්න බැරිනං (හැබැයි ගත්ත තීරනය වැරදිනං ඒක වෙනස් කරන්නත් පුලුවන් කම තියෙන්න ඕනේ) තමන් පොඩි දේකටත් සැලෙන එක්කෙනෙක් නං ඉතින් ඒකත් තමන්ගේ වටිනාකම වැඩිවෙන්න හේතුවක්නං වෙන්නේ නෑ කියලා මතක් කරන්න ඕනේ...

ඉතින් තමන් තුල ඉන්න දක්ෂයා හොයාගන්න ඕනෙ තමන්මයි.... බෑ කියලා හිතුවොත් කවදාවත්ම බෑ හැබැයි පුලුවන් කියලා තමන්ගේ හිතේ විශ්වාසයක් ගොඩ නගාගත්තොත් තමන්ට බැරි දෙයක් වුනත් පුලුවන් වෙන්න තියන ඉඩ වැඩියි..... ඉතින් තමන්ගේ වටිනාකම හොයාගන්න ඒ වටිනාකම වැඩි කරගන්න..

ස් ස් නම නම......

අමේමෝ කවදාවත් හිතුවේ නෑ මෙහෙම වෙයි කියලා.... සතියට පෝස්ට් 3ක්වත් දානවා කිව්වට දැන්නං සති එකහමාරට පෝස්ට් එකක් වගේ තමා ලියවෙන්නේ කොහෙද ඉතින් සතියේ දවස් 2ක විතරයි හවස්වරු ‍ෆ්‍රී තියෙන්නේ අනිති හැම දවසෙම පන්ති ගෙදර එනකොට ඉතින් හොද ගනං පෝස්ට් එකක් ලියන්න හිත එකතැනකට ගන්න බෑ සදුදයි අගහරුවාදයි විතරයිටිකක් හරි ‍ෆ්‍රී ඉතින් ඒ දවස් 2 වැඩේ තමා සතියෙම පෝස්ට් ටික කියවන එක තොහොම කරන්න පුලුවන් වැඩක්ද පෝස්ට් 200ක් විතර කියවන්නත් එපැයි ඉතිං ගොඩක් වෙලාවට කමෙන්ට් කරන්න වෙන්නේ නෑ වැදගත්ම දෙයක් නොවුනොත් මිසක් නැත්තං කියන්න තියන දේ පුලුවන්ම තරම් කෙටියෙන් කියනවා කරන්න දෙයක් නෑ ඉතින් මොනවා වුනත් ඔක්කොම පෝස්ට් ටික කියවන්නත් එපැයි..... ඊයෙ මධුරංග අයියත් ඇහුවා මොකෝ මල්ලී පෝස්ට් නැත්තේ කියලා..... ඔන්න ඉතින් අද පෝස්ට් එකක් දානවමයි කියලත් පොරොන්දුවුනා....

නිදහසට කාරනා කීම අවසානයි දැන් පෝස්ටුවට යමුකෝ (අද පෝස්ටුව ගැනනං හිතට සැටිස් නෑ හැබැයි)

මේක ඊයේ අපේ නංගිට වුන වැඩක් අපේ පැත්තේ පන්සලක හාමුදුරුනමක් අපවත්වෙලා ඊයේ ආදහනය කරා.... මැරුනයින් පස්සේ ඒ කෙනාට දොස් කියන එක හරි නැති නිසා මුකුත් කියන්නේ නෑ ඒත් කියනවනං කියන්න දේවල් ඕනෙ තරං.... කොහොම වුනත් මටනං පන්ති නිසා යන්න බැරිවුනා ඒත් අම්මයි නංගියි ගිහිල්ලා තිබුනා මේ සිද්දිය වෙලා තිබුනේ ඒ වෙලාවේ

ඔතන ටෙන්ට් 2ක් තිබුනලු එකක් හාමුදුරු වරුන්ට අනිත් එක ගමේ අයට ඉතින් අම්මා ඔය ටෙන්ට් එක ගාව තව ඇන්ටිලා වගයක් එක්ක කතාකරකර ඉන්නවලු නංගිත් ඉතින් එතන ඉදන් වට පිට බලබල ඉන්නකොට එතන හාමුදුරුවරුන්ගෙ ටෙන්ට් එකේ හිටපු හාමුදුරුනමක් අහනවලු ස් ස් නම නම කියලා අපේ නංගිත් ගනං අරං නෑ වෙන කෙනෙක්ට කිව්ව එකක් කියලා හිතලා කෝකටත් ඒ පැත්ත නොබලා ඉන්නවා කියලා ඉදලා.

ඒත් ඉතින් විනාඩි පහක්විතර යනකොට ‍නංගිට මේ සීන් එක අමතක වෙලා ආපහු අර පැත්ත බලලා එතකොට අර හාමුදුරුවෝ නම්බරේ නම්බරේ කියලා ෆෝන් නම්බර් එක ඉල්ලනවලු.... දැන් නං එන පොට හොද නෑ කියලා තේරුන නංගි අම්මට යං කියලා කිව්වලු ඒත් ඉතින් අම්මා‍ මේ සීන් එක දන්නෙ නෑ නේ තව පැය බාගයක් ඉදලා යමු කියලා කිව්වලු. නංගිටත් දැන් කරන්න දෙයක් නෑ සෙනග මැද්දේ ඔය කතාව කියන්න බෑ නේ. කොහොම හරි ඒ වෙලාවෙ වහින්න අරගත්ත නිසා අම්මලා ගෙදර ඇවිත් රෑ තමා අපට සීන් එක කිව්වේ....

මෙහෙමයි හාමුදුරුනමක් කියන්නේ ගිහියෙක් නෙවේ ඉතින් චීවරේ ඇගේ තියනකොට සංවරව ඉන්න දැනගන්න ඕනෙ වැරදිලා හරි ගමේ කෙනෙක් දැක්කනං ඔතන මොනවා වෙයිද කියලා කියන්න බෑ.... හොද සංවර හාමුදුරුවරුත් නත්තෙම නෑ ඒත් ඉතින් මේ වගේ දේවල් අනුමත කරන්න බෑ නේ... ගොසිප් ලංකා නිව්ස් එකෙත් තිබ්බා කතාවක් මේවා දකිනකොට සාසනේ ගැන හිත කලකිරෙනවා.....

ලංකාවේ බස්වල සීඝ්‍ර කඩාවැටීමක් වාර්ථාමය වැඩසටහන ඇතුලු ටුඩේස් බාකිං නිවුස්

පසුගිය දිනවල බස් සේවයේ ඇතිවූ සීඝ්‍ර කඩාවැටීම පිලිබද හේතු සෙවීම සදහා පත්කල කමිටුවේ අවසන් වාර්ථාව මේවනවිට අපි අතට ලැබී ඇත ‍මේ ඒ පිලිබදව ගෙන එන වාර්ථාමය වැඩසටහනකි

බස් වලට වුනේ මොකක්ද?

පසුගිය කාලයේ ශ්‍රී ලංකාවේ බස් ඉතා සාර්ථක අන්දමින් ජනප්‍රිය වූ අතර එක්වරම එහි කඩාවැටීමක් දක්නට ලැබුනි මේ පිලිබද කල සමීක්ශනයකින් අපට පෙනීගියේ පසුගිය ජූලි 4වනදා රාත්‍රියේ සිට මේ තත්වය උදාවී ඇති බවයි.... මේ නිසාවෙන් පසුගිය ජූලි 4 වනදා සිදුවූ අත්බූත සිදුවීම කුමක්දැයි සොයා බැලූවිට අප‍ට දැනගන්නට ලැබුනේ ජූලි 4 වනදා රාත්‍රී 8.00ට අහස ගුගුරවාගෙන මහ පොලව දෙදරවාගෙන යම් දෙයක් සයිබර් අවකාශයට පැමිණෙන බවට කිහිප දෙනෙක් අනාවැකි පලකර ඇති බවයි.... මේ පිලිබදව එක් එක් අය නොයෙක් කතා කියා ඇති නමුත් සත්‍ය අනාවරනය කරගැනීමට අප සමත් විය....

සැබැවින්ම ජූලි 4වනදා රාත්‍රී 8.00ට සිදුවී ඇත්තේ බස් රේඩියෝව නව මුහුණුවරකින් ආරම්භ කිරීමය... මෙම බස් කඩාවැටීමට මූලික හේතුව වී ඇත්තේ මෙහි අලු‍තෙන් ඇති චැට් පහසුකම බව බොහෝදෙනාගේ අදහසයි.... මෙය ආරම්භකල දිනයේදී මෙහි චැට්එක ට්‍රැෆික් නිලදාරීන්ට හැරෙන්නටවත් ඉඩක් නොතබා ගිය බව මෙය ඇසින් දුටු අය අපට කිව්වෝය.....

තවද මේ හේතුවෙන් ලාංකීය බස් සේවාවේ ලේකම්, බස් පියා යන ගෞරව නාම වලින් පිදුම්ලත් වැප් නිශාන්ත තරුණයා පාට් ටයිම් ජොබ් එකක් ලෙසට පුවක් විකිනීම ආරම්භ කරඇති අතර මේ නිසාවෙන්ම ලංකාවේ බස් කර්මාන්තයේ අනාගතය කෙසේ වේදැයි යන්න පිලිබදව ගැටලු මතුවී ඇත.... මේවන විටත් වෙනදා දිනක් ඇතුලත කැඩුනු බස් දැන් දින දෙක තුන දාවනය වන බව පෙනේ....

(හදිස්සි විදුලි විසන්දිවීමක් හේතුවෙන් මෙම වැඩ සටහනේ ඉතිරි කොටස වාර්ථා කරගැනීමට නොහැකි විය)

ටිං ටොං ටෑං..... ඔබත් පවුල් දිවිය අසාර්ථක කරගත් කෙනෙක්ද පවුල් දිවිය සාර්ථක කරගැනීමට ඔන්ලයින් උපදෙස් සිතුවිලි නිහඩයි වෙතින්.... කැඩුනු පවුල් සුපර්ග්ලූ ගා හෝ එක්කරනු ලැබේ... ඔබත් අදම පැමිනේන්න

විරාමයකට පසු නැවතත් ඔබ බාකිං නිවුස් සමග.....

දින 21ක් තුල එස්.බී. මාමා රත්ගමයවත් වෙනස් කරයි

සයිබර් අවකාශයේ කුප්පකමින් අග්‍රගන්‍ය යැයි සම්මත රත්ගමයා මහතා පසුගිය දිනක බලෙන්ම රැගෙන ගොස් නායකත්ව පුහුනුවකට කියා දින 21ක් තිස්සේ රදවාගෙන තබාගෙන දැන් නිදහස් කර ඇත. නමුත් මේ දින 21 තුලදී රත්ගමයාගේ කුප්පකම් යම් ප්‍රමානයකට අඩු කිරීමට එස්.බී මාමා සමත්වී ඇත. මෙසේ රත්ගමයාගේ යහලුවන් ඇතුලු පවුලේ සැමට අවුරුදු ගනනාවක් තිස්සේ වෙනස් කිරීමට නොහැකිවූ මොහුගේ කුප්ප කම් එස්.බී. මාමා දවස් 21ක් තුල යම් තරමකින් හෝ වෙනස් කලේ කෙසේදැයි සැමට ප්‍රශ්නයක්ව පවතී......

රත්ගමයා මහතාගේ මල්ලී මූ යලිත් වරක් නායකත්ව පුහුනුවට යැවීමට දන්නා සියලු සෙල්ලම් දානා බව අපට වාර්ථා විය.... එමෙන්ම විශ්වාස කර නොහැකි ලෙස එස්.බී. මාමා රත්ගමයා මහතාගේ දේශපාලන මතයද වෙනස් කර ඇත.... වෙනදා ආණ්ඩුවට ලෙසටම දෙහි කැපූ රත්ගමයා මහතා අද ආණ්ඩුවට බනින්න එපා යැයි හා තමා මහින්ද මාමාට ආදරේ බව කීවේ වටේ පිටේ සිටි සියලු දෙනා පුදුමයට පත් කරමිනි

සයිබර් අවකාශයේ අලුත් කපල් එක

‍මේ දිනවල සානිකා මහත්මිය බ්ලොග් අවකාශයේ දකින දකින කෙනාගෙන් අලුත් කපල් එක දන්නවාද යනුවෙන් අසමින් යයි... මේ ගැන වැඩි විස්තර සොයාගැනීම සදහා අප කල පරීක්ශනයකදී හෙලිවූයේ මෙය යම්කිසි භාණ්ඩයක ප්‍රචාරය කිරීමට ගන්නා උපක්‍රමයක් බවයි. මෙම භාණ්ඩය කුමක්ද යන්න හෝ මෙම ප්‍රචාරන කටයුතු සදහා ඇයට ගෙවනා මුදල පිලිබද තවමත් හෙලිවී නැත. මේ පිලිබද වැඩි විස්තර ලද සැනින් ඔබ වෙත ගෙන එන්නෙමු.

මේ විරාමයෙන් පසු මේ දිනවල සිදුවන විදුලි විසන්දි වීම් පිලිබද අනාවරනය.

(යලිත් විදුලිය විසන්දි වීමක්)

බාකිං නිව්ස් පුවත් විකාශය අවසානයි....

මීලගට පැය 2ක් පුරාවට ඔබට ආතල්දෙන අවුරුදු ගනනක් පැරනි මෙගා සීරීස් එක සමග රැදී සිටින්න.....

-------------------------------------------------------------------------------------------------------

මෙම විදුලි විසන්දිවීම් ප්‍රශ්නය පිලිබද දැන ගැනීමට බාකිං නිව්ස් කාර්යාලයට කෝල් කල අවස්ථාවේදී ඔවුන් පැවසුවේ මෙවන් දෙයකි

මම - ‍මේ මට බාකිං නිව්ස් වල කොටස් වගයක් මිස් වුනා මේ පැත්තට කරන්ට් ගිය නිසා මට රෙකෝඩිං කරපු එක ගන්න පුලුවන්ද

බාකිං නිව්ස් කාර්යාලය - අනේ සොරි වෙන්න ඕනෙ මල්ලි ඒ ටික රෙකෝඩ් කරගන්න බැරිවුනා මේ පැත්තටත් කරන්ට් ගියානේ

මම - ඒ වුනාට අයියේ ඒකෙ කෑලි ටික නිකං කලින් කිව්වා වගේනේ දුන්නේ

බා.නි.කා - නෑ මල්ලි මේකයි බාකිං නිව්ස් වලින් පස්සේ ආතල් පැය 2 යනවනේ ඉතින් අපේ බොසා කිව්වා බාකිං නිව්ස් නොදුන්නත් කමක් නෑ වෙලාවට ආතල් පැය 2 පටංගනිං කියලා ඒකයි අපි කොටස් ඇර ඇර කිව්වේ

මම - ඇයි බොලේ උබලා ගාව ඔය ජෙනරේටර් කියන ජාතිය නැද්ද බොල?

බා.නි.කා - අනේ මල්ලියේ මහඅධිකරණෙවත් නැති ජෙනරේටර් කොහෙන්ද අපි ලග.....

මට කටඋත්තර නැතිවිය....

ගාල්ලේ බ්ලොග් කරුවන්ගේ හමුව...

අද නං පට්ට ආතල් දවසක් ඕන්න අද තමා මට බ්ලොග් ලියන අය මුලින්ම හම්බ වුනේ... බුකියේ බස්වල චැට් කරලා තිබුනට කස්ටිය දැක්කේ අද තමා.... මුලින්ම කිව්වට මට කලින් කුරුංගුරුං ව නං හම්බ වුනා බද්දෙවිතාන සර්ගෙ පන්තියේදී... තව ටිකෙන් ඒකත් මිස් වෙනවා කෙහෙල්මල් වලියක් නිසා.... කොහොම හරි බනියා ඇතුලු කට්ටිය කතාකරගෙන තිබුනානේ ගිය සෙනසුරාදා සෙට් වෙන්න ඒත් එ වැඩේ හරිගියේ නෑ.... ඔන්න ආපහු Galle වැසියෝ ගෘපියේ චැටකින් කට්ටිය කතා කරගත්තා ආපහු සෙට් වෙන්න.... ඉතින් දිනයක් තැනක් නියම කරගන්න එක තමා කරන්න තිබුනේ... අන්තිමට ඉතින් කට්ටියත් එක්කම කතා කරලා දෙවනිදා උදේ 11ට ගාල්ලේ කොටුවේ ලයිට්හවුස් එක ගාවදි මීට් වෙන්න කතා කරගත්තා....

හෆ්ෆා මේකට නගින්නේ කොහොමද?

අවුලකට තිබුනේ දෙවනිදා මට පන්ති 9 ඉදන් 4 වෙනකං ඉතින් පන්ති ඉවරවෙලා 4ට එන්න තමා මම හිතාගෙන හිටියේ.... (එහෙම කරා නං මට කට්ටිය ගෙදර යනවා තමා බලන්න තිබුනේ).... කොහොම හරි දෙවනිදාට හිම හංසි අක්කා, ප්‍රාර්ථනා අක්කා බනියා අනිවාර්යයෙන්ම සෙට් වෙනවා කිව්වා ඒ වුනාට ඉතින් තුන්දෙනෙක් විතරක් ඇවිල්ලා වැඩක් නෑ නේ ඉතින් කට්ටිය Galle වැසියෝ ගෘපියේ මේ ගැන දැම්මා කැමති කට්ටියට එදාට එන්න කියලා.... 


ඔන්න ඉතින් කට්ටිය 12දෙනෙක් එනවා කියලා කිව්වා... ඉතින් අපේ සංවිධායකතුමා ඒ කියන්නේ බනියා සෙට් වෙන්න මුලින් හිතාගෙන හිටපු තැන (කොටුවේ ලයිට්හවුස් එක) කොටුවේ ඔරලෝසු කණුව විදිහට වෙනස් කලා... ඒ වගේම පහත දේවල් ගේන්න කියලත් කියලා තිබුනනේ...


කෑම එකට රු 150 ගෙන්න..
තව ෆොටොස් ගන්න ඔන්නම් කැමරා අම්පන්න :D
පුලුවන් කෙනෙක් ඉන්නවා නම් සංගීත වාදන භාන්ඩයක් ගෙන්න :D (වාදනය කරන්නත් පුලුවන් වෙන්ටොන හැබැයි ;)


ඔන්න ඉතින් මම ආසාවෙන් බලන් හිටපු දෙවනිදා උදා වුනා... ඉතින් උදේ 6ට නැගිටලා ආපහු 6.30 වෙනකං නිදාගෙන ලෑස්ති වුනා යන්න..... වෙන කොහෙවත් නෙවේ පන්ති... ඔන්න ඉතින් පන්තියේ 10 30ට ඉන්ටවල් දීපු වෙලාවේ මිස් හම්බවෙලා 12ට ලන්ච් අවර් එකේදී ශෝට් ලීව් එකක් දාන්න අවසර ගත්තා... 


දැන් ඉතින් කොලුවා 12ට පන්තියෙන් කැපිලා කොටුවට ආවා හා දැන් ඉතින් හොයපන්කෝ කට්ටිය කොහෙද කියලා... දුන්නා බනියට කෝල් එකක් කොහෙද ඉන්නේ කියලා අහන්න... හා කිඩෝ අපි මේ කවුතුකාගාරේ ඉන්නේ කියලා එන්න ඕනෙ පැත්තත් බනියා කිව්වා... හා ඕක හොයාගන්න එක මහලොකු වැඩක්යෑ ගියා ඉතින් වීරයා වගේ.... මෙන්න තියනවා බෝඩ් එකක් ජාතික කවුතුකාගාරය. හා කවුතුකාගාරෙටනේ එන්න කිව්වේ කට්ටිය ඇතුලේ ඇති කියලා හිතලා පඩි කමට කෝල් එකක්වත් නොදී රුපියල් 20 ටිකට් එකකුත් අරන් ගියා කවුතුකාගාරේ ඇතුලට...

ඔය ඉන්නේ කට්ටියම (බනියා කැමරාවට පිටුපසින්)

හුටා කට්ටිය කවුරුත් පේන්න නෑ නේ.. කපල් එකක් ඉන්නවා තව කපල් දෙකක් ඉන්නවා මම ඉන්නවා කවුතුකාගාරේ වැඩ කරන උන් දෙන්නෙක් ඉන්නවා කෝ බොල අපේ උන්... බැලුවා වටපිට ඔව් එච්චරයි ඉන්නේ.... ගත්තා ටාර් ගාලා කෝල් එකක් බනියට කෝබොල මූ කියන මෙලෝ දෙයක් පැහැදිලි නෑ... ආයෙක් ගත්තා ම්හු ප්‍රතිචාරයක් නෑ.... සික් බනියගේ ෆෝන් එකත් වැඩ නෑ නේ මුකුත් අහගන්න වෙන කෙනෙක්ගේ නම්බරේ දන්නෙත් නෑ.... රුපියල් 20 ටිකට් එකක් අරන් නිකං බැහැලා යන්නද බැලුවා මුලු කවුතුකාගාරෙම මුන් එන වෙලාවක එන්නෙ නැතෑ...


දැන් නං ඉතින් ඒකේ බලන්න තව මුකුත් ඉතුරු වෙලත් නෑ බැස්සා එලියට ආපහු කෝල් එකක් ගන්න ගමන් හා මෙන්න රිංග්ස් යනවා....


මම- අඩෝ බනී උබලා කොහෙද බන් ඉන්නේ මම මේ කවුතුකාගාරෙට ගියා කවුරුත් නෑ නේ
බනී- අපි මේ සමුද්‍ර කවුතුකාගාරේ උබ කොහෙටද ගියේ?
මම- අඩෝ මේ ජාතික කවුතුකාගාරේ කියලා තියෙන්නේ... කවුතුකාගාරේ කිව්වාම මම හිතුවේ මේක කියලා...
බනී- සමුද්‍ර කවුතුකාගාරෙට වරෙන්
මම- මේ පා‍රෙම නේද
බනී- ඔව්. ඔය කලුපාට ශර්ට් එකක් ඇදන් එන්නේ උබද? (වටෙන්- අත උස්සන්න කියපන්..) 
මම- (අත උස්සගෙන) ඔව් ඔව්....


ඔන්න ඔහොම තමා මම කට්ටියත් එක්ක සෙට් වුනේ... දැන් ඉතින් මම අරුන් ‍එන ඉස්සරහට යනවා මුං මගේ ඉස්සරහට එනවා මෙන්න බනියා එකපාරට "උබ නේද ඇර අමුඩ පෝස්ට් එක දැම්මේ.." කියාගෙන මගේ පස්සෙන් එලවගෙන ආවේ නැතැයි... මුකුත් නෑ මම හැරුනු ගමන් දිව්වා (හරියට නිකං මැඩගස්කර් 1 එකේ ඇලෙක්ස් මාටි පස්සේ එලවන සීන් එක වගේ) පස්සේ ඉතින් කට්ටිය කොටු බැම්ම උඩ වාඩිවෙලා තමන්ම හදුන්වා දුන්නා (2 වසරේ මයි සෙල්ෆ්) ඒ කිව්වේ තමන්ගේ නම බ්ලොග් එක බ්ලොග් කෙරුවාවට ආපුහැටි වගේ ඒවා... 

බ්ලොග් කරුවන් හදුන්වාදීම අතරතුර

කොහොම හරි ඒ වෙනකොට හිටියේ මම, ජනරංග අයියා, රිද්ම අයියා (පොඩි මෑන්), ප්‍රාර්ථනා අක්කා, හිමංශි අක්කා (හිම හංසි), ගයාන් කල්හාර අයියා ඇන්ඩ් අපේ බනී අයියා ඇතුලු සෙට් එක වත් අක්කා තව අක්කා කෙනෙක එක්ක ඇවිත් මොකක්ද පොත් නැවක් බලන්න ගියා කිව්වා... ඔන්න ඉතින් අපි හදුන්වාදීම් කරන අතරේ හුස්නි අයියයි කස් අයියයිත් ආවා... හනේ මේ අස්සේ හිම හංසි අක්කට බඩගිනි වෙලා අපි කමුකෝ අපි කමුකෝ ගගා කියනවා.. ඉතින් ගයාන් අයියයි මමයි ගියා කෑම ගේන්න...


ගයාන් අයියා ගත්තා මෑන්ස්ගේ ජනඅප්පිරිය බයික් රාජයයි ඌ අම්මගේ බඩේ ඉන්න කාලෙදිත් දාන් ගියයි කියන හෙල්මට් එකයි. මම ගත්තා හුස්නි අයියාගේ පුටාර් එක (හිටගෙන පදිනකොට වීසිවෙන ගතියක් නැත්තං ඒක පට්ට බයිසිකලේ) ගියා ඉතින් බත් එකක් (එකක් නෙවේ 9ක්) ගේන්න... ඉතින් එතන විනාඩි 20ක් විතර වාත වෙලා ආපහු එන්න ආවා බත් ටිකත් අරන් එතනදි මම ඉගනගත්තදෙයක් තමා ෆිෂ් රයිස් එකක් දාන්න යන වෙලාවට වඩා විනාඩි දෙක්ක් විතර වැඩියෙන් වැයවෙනවා චිකන් රයිස් 5ක් හා වෙජිටබල් රයිස් 2ක් දාන්න...

පේන්නැත්තං හොදට බලන්න ඔය කට්ටියම ඉන්නේ හුස්නි අයියගේ ලයිසිකලේ උඩ

කොහොම හරි අපි ආපහු එනකොට වත් අක්කා නැව බලලා ඇවිල්ලා.... ප්‍රමුක අයියත් ටික වෙලාවකින් ආවා කොහෙම හරි කට්ටිය කාලා ඉවරවෙලා නිකං ඉන්න බැරුවට හුස්නි අයියගේ බයිසිකලේටත් දස වද දීලා බීච් එක පැත්තට එන්න ආවා... ඔන්න ඉතින් බීච් එකටත් ඇවිල්ලා වත් අක්කට පින් සිද්දවෙන්න අයිස්ක්‍රීම් එකකුත් කාලා ගියා බීච් එකට ඉතින් බීච් එකෙත් ටික වෙලාවක් ඉදලා ආපහු ඇවිල්ලා සින්දුවක් එහෙම කියලා ඉන්නකොට අපි දන්නෙම නැතුව 4ත් පහු වෙලා.... ඉතින් වත් අක්කත් පරක්කුවෙනවා කියලා ගියා අපිත් ඉතින් තව විනාඩි 10ක් විතර ඉදලා කට්ටියගෙම ෆෝන් නම්බර්ස් හුවමාරු කරගෙන ගියා ස්ටෑන්ඩ් එකට

වත් අක්කා‍ගේ බලු කපුටු දානය

කොහොම හරි අද මම ගාල්ල පැත්තේ (මාතරත් ඇතුලත්) ඉන්න බ්ලොගර්ස්ලා කීපදෙනෙක් අදුනගත්තා ඇත්තටම බුකියේ චැට් කරනවට වඩා මූනට මූන හම්බවෙලා කතාකරන්න ලැබුනු එක ගැන ඇත්තටම ගොඩක් සතුටුයි....


ප.ලි.


අන්තිම හරියේ ‍ගොඩක් සිද්දි මඩ ගනයට වැටෙන ඒවා මම මඩ ගැසීමෙන් තාවකාලිකව වැලකිලා ඉන්න නිසා ඒ ටික දැම්මේ නෑ...


ප.ප.ලි 


මේ ටිකේ පෝස්ට් එකක් වත් දාන්න බැරි වුනානේ.... අවුලක් නෑ ඉස්සරහට නිවාඩු....

ඔය ඉන්නේ කට්ටියම....

කිඩෝ අනාගතයේ ටුවර් එකක්

අද නං මෙලෝ රහක් නෑ මම ඔහේ පාර දිගේ ඇවිදගෙන යන්න ගත්තා.... හා මහත්තයා අනාගතේ දකින්න ඕනෙද එන්න එන්න මහත්තයට ‍ෆ්‍රී ට්‍රයල් එකක් දෙන්නංකෝ මහත්තයට ඕනෙ දේ ගැන කියන්න මම පෙන්නන්නං පාරෙ හිටපු ට‍යිකෝට් ගහගත්ත ඩයල් එකක් එකපාරය මූන ඉස්සරහින් මතුවෙලා ඇහුවා.... නයි කයිද රෝස් පාන් මොකක්ද මේ වෙන්න යන්නේ... කමක් නෑ ‍ෆ්‍රී ලුනේ බලමු මොකක්ද කියලා.... හැබැයි ඉතින් ඉන්කමින් ෆ්‍රී කියලා මූ යනකොට ගානක් ගනියිද දන්නෙත් නෑ නෙ... මේ අයියා අනාගතේ බැලීම ටොටලි ‍ෆ්‍රී ද? මමත් නිකං සැකේට ඇහුවා.... නෑ නෑ ටෝටලි ෆ්‍රී නෑ පැය බාගෙක ෆ්‍රී ට්‍රයල් එකක් දෙනවා එතන ඉදන් අයකිරීම තත්පරේට... හහ් අනාගතේ බලාගන්න පැය බාගයක් වැඩිද මන්දා.... නිකං දෙන එකනේ ඔන්න ඔහේ බලන්න කියලා පොඩි ආසාවක් ආවා....

හා අයියා එහෙනං යමුකෝ අනාගතේ බලන්න... දැන් ඕක පෙන්නන්නේ අර කලු පාට ගාපු පීරිසියකින්ද? නැත්තං අර මොකක්ද බෝලෙකින්ද? මටනං ඔය පීරිසි, බෝල දිහා බලන් ඉදලා බෙල්ල කඩා ගන්න බෑ ඔන්න..... උබට පිස්සුද මල්ලි (මහත්තයා කියපු එකා මට මල්ලිලු..) අපි ගාව ඒ වගේ ආදි කාලෙ බාල වැඩ නෑ... අපි කෙලින්ම අනාගතේ පෙන්නන්නේ රියල් ටයිම් ඒ කියන්නේ අපි මල්ලිව කෙලින්ම අනාගතේට යවනවා... අම්මට සිරි එහෙනං මේක බලන්නම ඕනෙ අනාගතේට ගිහිල්ලම අනාගතේ පෙන්වීමක් ගැන ඇහුවමයි... මටත් දැන් ඉවසන් ඉන්න බෑ....

මූත් දැන් මාව එක්ක‍ගෙන ගියා පොඩි දේවාලයක් වගේ එකකට දේවාලයක් කිව්වට ඉතින් දෙවියොන්ගෙ රූපනං නෑ... ඉස්සරහම තිබුනා චින්තන අංකල් ගෙ රූපෙ දකුණු පැත්තෙන් හෑන්ඩ් ෆෝන් 2ක් ගත්ත කෙනෙක් වැදගෙන ඉන්නවා දකුණු පැත්තෙන් පිස්තෝලයක් ඉනේ ගහගෙන මැරවින් අංකල් වැදගෙන ඉන්න රූප 2ක් තිබුනා... මටත් නිකං පුදුමයි මේක දැකලා මාත් ඉතින් අර මාව එක්කන් ආපු එකාගෙන් ඇහුවා මොනවද මේ රූප කියලා.... ආ මේ ඉන්නේ ලංකාවේ අනාගත දෙවි වරුනේ.... ඌ දීපු උත්තරෙන් මම නිකං කරකවලා අත ඇරියා වගේ වුනා.....

දේවාලේ ඇතුලනං මරු මැද්දෙ පොඩි ජින්ජිබිරිස් එකක් තියනවා... ජින්ජිබිරිස් එකක් කිව්වේ නිකං ෆ්‍රිජ් එකක් වගේ මෙව්වා එකක්... ශා මේකෙද අයියා අපිව අනාගතේට යවන්නේ මම අරූගෙන් ඇහුවා... බොට මෝල්ද බොල ඔය ‍ෆ්‍රිජ් එකක්නෙ තොට ඇස් පේන්නැද්ද? සිකේ වස ලැජ්ජාවයි වෙලාවට වටේ කවුරුත් හිටියේ නෑ... මේ තියෙන්නේ අනාගතේට යවන එක කියලා මූ මට දේවාලෙ මුල්ලක තිබුන පොඩි පුටුවක් පෙන්නුවෙ නැතෑ පුටුව පුරාම වයර්... අපෝ ඒක දැක්ක ගමන් මට මතක්වු‍නේ අර පිටර‍ටවල් වල කරන්ට් පුටු.... මොනවා කරන්නද මටත් අනාගතේ බලන්න ආසාවනේ

ඉතින් අරූ කිව්ව විදිහට ගිහින් පුටුවේ වාඩි වුනා කොයි වෙලාවේ පු* රත්වෙන්න කරන්ට් වදීද දන්නෑ නෙ... හා දැන් මල්ලිට මොකක්ද දකින්න ඕනෙ.... හුම් මෙච්චර වෙලා අනාගතේ දකින්න ආවට මොකක් දකින්නද කියලා තීරණයක් තිබුනේ නෑ නෙ.... හුම් ටිකක් කල්පනා කලා ඔන්න ඔහේ ලංකාවෙ අනාගතේම බලන්න හිතුනා.... ඉතින් අරූට කිව්වා මට ලංකාවේ අනාගතේ බලන්න ඕනේ කියලා... හා ඔන්න එහෙනං වාඩිවෙලා ඉන්නකෝ කියපු අරූ ගියා අර වයර් ඔක්කොම ඇදලා තිබුන පොඩි පියානෝවක් වගේ එකක් ලග‍ට

හප්පා මට මොකක්ද මේ වෙන්නේ මුලු ලෝකෙම නිකං කැරකෙනවා වගේ..... දඩාස්.... මම මේ කොහෙද ඉන්නේ.... අප්පා නිකං ප්‍රයිවට් බස් එකකින් බැස්සා වගේනෙ.... හෑ බොලේ කෝ මේ ලංකාවද නිකං ඇමරිකාව වගේනෙ.... කෝ මේ බිම යන වාහන එකක්වත් නෑ නෙ ඔක්කොම උඩින්නෙ යන්නේ.... මොකක්ද ඒ එන දඩාර වාහනේ... හුම් ලංකා ට්‍රැවල්ස් ලංකාවේ බස් වලට ගිය කලක්... අතේ සතේ නැතුව ඔය බස් වප යන්නත් බයයි පයින්ම යනවා බලන්න වටයක්.....

හප්පා මොනවද මේ පාරේ පැත්තකින් පෙලට තියලා තියෙන්නේ.... බලමු ඇපල් අයි පැදුරු... මේවයින් මොනවද දන්නෑ කෙරෙන්නේ බලමු ටිකක් මොකෙක්ව්ත් පේන්නත් නෑ... හෑ කියනකොටම මොකක්ද මෙව්වඑකක් උඩින් එනවා හෑ පොලවට ලෑන්ඩ් කලා මූ බැස්සා ගත්තා පැදුරක් ආපහු අර ආපු එකටම නැග්ගා ගියා.... හුම් මේ පැදුරු නිකං ගන්න පුලුවන් වගේ බලමු ගිහිල්ලා එකක් අරන්.... ශා මේ පැදුර නිකං පත්තරයක් වගේනේ... වෙලාවට සිංහලෙන් තියෙන්නේ බලමු කියවලා....

ශ්‍රී ලංකාවෙන් ඇමරිකාවට ලංකා රුපියල් බිලියන 20 ක ණයක්....

150 වන අති ගරු මර්වින් සිල්වා ගුණ සමරුව හෙට අති උත්කර්ෂවත් අයුරින් සැමරීමට සියලු කටයුතු සූදානම්....

ක්ෂිරපථයෙන් පිටතට යන ප්‍රථම පුද්ගලයා ශ්‍රී ලාංකිකයෙක්....

පිට පිටම 11 වන වතාවටත් ශ්‍රී ලංකාව ලෝක කුසලානය දිනයි....

ඔය වගේ ප්‍රවෘත්ති තොගයක් තිබ්බා මුල් ටික කියවගෙන යනකොට මට නිකං කලන්තෙ වගේ ඉතින් ඉතුරු ටික කියවන එක පස්සට තියලා තව ටිකක් ඇවිදින්න හිතුවා මොක කරන්නත් තියෙන්නේ පැය බාගයයිනේ... හුටා දැනටම විනාඩි 10ක් ගිහින් ඉක්මන් නොකරොත් මේ චාන්ස් එක නිකං අපරාදෙ නැති වෙනවා...

හැබෑට අර අයි පැදුර ගත්ත එකා ඇරෙන්න වෙන මිනිහෙක් දැක්කෙ නෑ නෙ බලන්න ඕනෙ මුන්ට මොනවා වෙලාද දන්නෑ කියලා හිතාගෙන මාත් ගියා තව ඉස්සරහට... මේ හරියනං ටිකක් මිනිස්සු අඩු පැත්තක්ද මන්දා ඒකට‍ ගෙවල්.... පොඩ්ඩක් ඉන්න මොකක්ද මේ හැම ගෙදරක් ඉස්සරහම ගහලා තියන බෝඩ් එක.... හුම් බලමු "මම අහන්නේ බස් (z) රේඩියෝ" හෑ මොකක්දමේ අහලා පුරුදු නමක්නේ මේ ඒ කාලෙ තිබුන බස් රේඩියෝවවත්ද? මරුනේ.... ඒ කාලේ ඔහොම ගහන් හිටියාම රේඩියෝ චැනල් එකකින් මොකක්ද බඩු මල්ලක්ද මොකක්ද දුන්නා වගේ මතකයි මේකෙත් වෙන්නේ එහෙම එකක්ද දන්නෑ....

හුම් තව ටිකක් ඉස්සරහට යමු බලන්න.... හා ඔය ඉන්නේ මිනිස්සු.... හුම් මුං මං දිහා අමුතු විදිහටනෙ බලන්නේ මුංගෙත් මොකක් හරි වෙනසක් පේනවා... හිටුකෝ බලන්න හෑ ‍බොලේ මුං ඔක්කොම ඇදං ඉන්නේ සරම්නේ මම විතරයි මේ කලිසමක් ඇදන් ඉන්නේ... ලැජ්ජාවෙ බෑ.... මේ අනාගතේ කතා කරන්නේ මොන බාසාවෙන්ද දන්නෑ... කෝකටත් සිංහලෙන්ම ටෝක් කරලා බලමු.... ආ මේ මොකද බොලා කට්ටියම සරම් ඇදන්? හුටා ඒ වචන ටික කියලා කට ගන්න හම්බවුනේ නෑ.... පොලිස් වාහනයක් පියාබගෙන ආවෙ නැතෑ....

**** හි **** වගන්තිය පරිදි කුණුහර්පයක් කීම, ශ්‍රී ලංකාව තුල තහනම් කලිසම් ඇදීම යන වැරදි නිසා ඔබව අත්අඩංගුවට ගන්නවා.... වාහනෙන් එලියට ආපු පොලිස් කාරයෙක් මොකක්ද එකක් මගේ අතට දාන ගමන් කිව්වා... හෑ මොකක්ද මම කියපු කුණුහර්පේ.... ඔබ බොලා කියලා කිව්වා **** වගන්තිය යටතේ කිසිවෙකුට ඔය වාගේ චවනයකින් ආමන්ත්‍රණය කිරීම බරපතල වරදක්.... ඇයි යකෝ බොලා කියන වචනෙත් කුණුහර්පයක් නං අනිත් වචන ගැන කවර කතාද... කට වහගෙන සිටීම ඇගට ගුණයි කියලා කලිසම් ගැන අහන්නැතුව කට වහගෙන හිටියා....

හැම දේම වෙන්නේ හොදටලුනේ ඒකෙන් මට අහසින් යන්නත් චාන්ස් එකක් ලැබුනා... ඉතින් මේවගේ චාන්ස් එකක් මිස් කරගන්නේ කොහොමද. දඩාර සයිස් බිල්ඩින් අහසෙ යන වෙන වාහන දිහා බලාගෙන මාත් ඔහේ ආවා.... මෙන්න එකපාරට පොලිස් කාරයෝ ඔක්කොම පු* කටු ඇනුනා වගේ නැගිට්ට්‍ලා සීරුවෙන් සිටගත්තා සීන් එක මොකක්ද කියලා දන්නේ නැති වුනත් ඉතින් මාත් නැගිට්ටා... ටිකක් වටපිට බලනකොට මෙන්න අපේ චින්තන තුමාගේ අඩි 60ක් විතර උස පිලිරුවක්... යටින් මොකක්ද ලියලත් තියනවා "වර්ථමාන ශ්‍රී ලංකාවේ නිර්මාතෘ" කතාව ටිකක් තේලුනේ නැති වුනත් මාත් පොලිස් කාරයෝ වාඩි වෙනකංම හිටගෙන හිටියා..

හා ඔබට බහින්න තැන හරි.... එක පොලිස් කාරයෙක් මට කිව්වා... ඇයි යකෝ මේක පොලවට පහත් කරන්නෙවත් නැතුව මට බහින්නලු මුංට මෝල්ද මන්දා.... මොනවා කරන්නද ගියා බයෙන් බයෙන් වාහනේ දොර ගාවට.... අම්මෝ පශ්චාත්භාගෙට වැදුන පාරක් එක්ක කෙලින්ම බිමට..... දඩස්.... හප්පා නලලත් රිදෙනවා වැටුන පාරට... මේ මොකක්ද මට අහුවෙන්නේ.... ම්ම්ම්.. ඇදේ කකුලක් නේද? මම ඇදෙන්ද වැටුනේ? හුටා මම දැකලා තියෙන්නේ හීනයක්නේ.... අවුලක් නෑ නොමිලේ අනාගතේට ටුවර් එකකුත් දාලා ආවනේ....

ප.ලී.

මේ දවස් වල වැඩ වැඩි නිසා පෝස්ට් එකක් දාන්න ගොඩක් කල් ගියා, අනිත් අයගේ පෝස්ට්ටුත් පුලුවන් තරමින් කියෙව්වා ඒත් ගොඩක් ඒවට කමෙන්ට් කරන්න බැරි වුනා ඒකට තරහා වෙන්න එපා....

​ගූගල් දෙයියා දෙන ආතල්....

හප්පා 50 ගැහුවයින් පස්සේ කාලෙකින් පෝස්ට් එකක් ලියන්න බැරිවුනානෙ... කාලෙකින් කිව්වේ දවස් දෙක තුනකින් දෙකතුන වුනත් අවුරුද්දක් වගේ තමා දැනෙන්නේ.... කොහොම වුනත් අදනං පෝස්ට් එකක් දානවා කියාලා හිතාගෙන ඉස්කෝලෙ ඇරිලා ඇවිල්ලා කොම්පියු​ටරේ ඉස්සරහින් වාඩිවුනා.... ම්හු මුකුත් ලියන්න මොලේට එන්නෑ... ඉතින් වෙන බ්ලොග් ටිකක් කියෙව්වා එතකොටවත් මොකක් හරි මතක්වෙයි කියලා හිතාගෙන.... ඒත් නෑ නෙ මුකුත් මතක් වෙන්නේ.... දාගත්තා සද්දෙට සින්දු ටිකක් ඔහේ බලාගෙන හිටියා මොකක් හරි මතක්වෙනකන් ඒත් මුකුත් මතක්වෙන්නෑනෙ මට ඉතින් මලේ මල.... ගිහිල්ලා නා ගත්තා එතකොටවත් මොලේට මොකක්හරි එයිද බලන්න.... මොන මුකුත්ම එන පාටක් නෑ..... ආයෙත් සින්දුවක් දාගෙන ඇදේ ටිකක් ඇලවුනා ඒත් මුකුත්ම මතක්වෙන්නෑ....

අන්න ඒකට මම 50 ගහන්න කලින් දවස්ටික ලියන්න දේවල් හිතට එනවා අම්බානට ඒත් ඉතින් අවුරුද්ද ලබන දවසෙ 50ත් ගහන්න හිතන් හිටපු නිසා ඒ මුකුත් ලිව්වේ නෑ... ඒකට දැන් ආසාවකට මුකුත් එන්නෑනෙ හිතට.... ඉතින් ගියා ඊයක්වත් ඈවිල්ලද බලන්න අදහස් නැති වෙලාවට ඊයකින්වත් අදහසක් එන්න පුලුවන්නේ.... හිතුවත් වගේ මේ තියෙන්නෙ ඊයක් ගූගල් දෙයිය දෙන ආතල් එකක් ගැන... ඔන්න ඉතින් තව ටිකක් ජාලෙ සැරිසරලා ගූගල් දෙයියා දීපු තව ආතල් ටිකක් හොයාගත්තා...

කට්ටියනං මේව කලින් දැකලත් ඇති ඒත් නොදැකපු අයත් ඇතිනේ...

1.ගූගල් දෙයියගේ තායිවානයේ සිට චීනෙට යන ‍ක්‍රමය

ගූගල් මැප්ස් වලට යන්න
Get directions වලට යන්න
start location විදිහට Taiwan කියලා දෙන්න
end location විදිහට china කියලා දෙන්න
දැන් 23න් වෙනි පියවර කියවලා බලන්නකෝ...

පුලුවන් කෙනෙක් ඉන්නවනං කරලා බැලුවත් කමක් නෑ ගූගල් දෙයියනෙ කියන්නේ......

2.ගූගල් දෙයියා ගාව තියන දේවල්

3. ගූගල් දෙයියගේ පරිවර්තනය

පරිවර්තනය කරන ඒවගෙදිත් ගූගල් දෙයියා හොද හොද ආතල් දෙනවා විශේෂයෙන් ජපන් භාෂාව.... ඔය ජපන් කෙල්ලොත් එක්ක චැට් කරනවනං ගූගල් දෙයියගෙ පරිවර්තන පාවිච්චි කරන්නෙ පරිස්සමට විශේෂයෙන් ප්‍රශ්නයක් අහනකොට මොකද ගූගල් දෙයියා අපි අහන ප්‍රශ්නෙ ජපන්වලින් අහන්නෙ උත්තරයක් විදිහට උදාහරණයක් විදිහට am i drunk කියලා දුන්නහම ඒක ට්‍රාන්ස්ලේට් කරලා එන ජපන් වචනේ කොපි පේස්ට් කරලා ඒක ඉංග්‍රීසියට ට්‍රාන්ස්ලේට් කරාම එන්නේ i am drunk කියලා.... ඕනෙ නං ට්‍රයි කරලා බලන්නකෝ

ගූගල් දෙයියා දෙන ආතල් නං ගොඩයි ඒත් දැන් නං මගේ ඔලුව රිදේ‍නවා තව ලියන්න බෑ වගේ එහෙනං මම නැවතුනා...

ප.ලි. මේක ලිව්වයි කියලා කෝප වෙලා ගූගල් දෙයියෝ මට දඩුවම් නොදෙත්වා....

මගේ බ්ලො‍ගියේ උපන්දිනය, අර්ධ ශතකයක් හා පොරොන්දු ඉටු කිරීමක්

අද මට පට්ට හැපීය මම හිතාගෙන හිටපු ටාගට් ඔක්කොටම යන්න පුලුවන්වුනා පෝස්ට් එකේ හෙඩිම දැක්කාම දන්නවනේ මම අද කියන්න යන්නේ මොකක්ද කියලා වෙන මොකක්ද ඉතින් මගේ බ්ලොග් එකේ පලවෙනි උපන්දිනේ ඒ වගේම මේ මම ලියන්නේ මගේ 50වෙනි පෝස්ට් එක ඒ වගේම මේ ලියන මොහොත වෙනකොට මට ෆලෝවර්ස්ලා 50 (මමත් එක්ක ගත්තොත් 51) ඉතින් ඔක්කොම මම හිතාගෙන හිටපු විදිහටම සිද්ද වුනා.... ඔන්න ඉතින් පොරොන්දු වුන විදිහට මම දැන් මගේ බ්ලොග් ජීවිතයේ දුක්ඛිත කතාව කියන්න යන්නේ....

අවුරුද්දක් පරන බ්ලොග් එකකට ෆලෝවර්ස්ලා 50ක් හිට්ස් 8400+ ඒක එච්චර හොද රේටිං එකක් නෙවෙයි කියාලා මේක බලන කට්ටියට හිතේවි ඒත් ඉතින් දුක තමා ලබා උපන් හැටිලුනේ... ඒක එහෙම වෙන්නත් ඉතින් හේතු තියනවා කොහොම හරි මගේ බ්ලොග් ජීවිතයේ ආරම්බයටම යමුකෝ ඇත්තටම මගේ පලවෙනි බ්ලොග් එක මේක නෙවෙයි මේ මගේ තුන්වෙනි බ්ලොග් එක..... මම බ්ලොග් ලියන්න සෙට් වුනේ මම 11 වසරෙදි ඒ කියන්නේ 2010දි

ඒ කාලේ අප්‍රේල් නිවාඩුව ඒ වෙනකොට බ්ලොග් ලිවීම ගැන මම මෙලෝ දෙයක් දැනගෙන හිටියේ නෑ.... ඉතින් නිවාඩුවක් ලැබුනා කියන්නේ අපි සෙල්ලම් කරන්න සෙට් වෙනවා කියන එක... ඉතින් හැමදාම වගේ එදත් අපේ ගෙදරට කට්ටිය සෙට් වුනා ඒත් වෙනදා තරම් කට්ටිය හිටියේ නෑ අනිත් එක ඒ දවස්වල ගෙවල් අස්පස් කරන හින්දා අපේ උන් එන්න කොහොමත් පරක්කු වෙනවා එදා හිටියේ මමයි තව පොඩි උන් දෙන්නෙකුයි (මම තමා අපේ සෙට්එකේ හිටිය වැඩිමහල්ම එකා) ඉතින් එකෙක් ගියා අනිත් උන් අහුලන් එන්න කියලා.... ඒ අතරේ අනිත් පොඩි එකා මට කියනවා *** අයියේ ‍ෆ්‍රී වෙබ් සයිට් හදන්න දෙන සයිට් එකක් තියනවා මමත් එකක් හැදුවා බලමුද කියලා... මමත් ඉතින් අලුත් දේවල් දැනගන්න ආස එකානේ ගියා මොකක්ද කියලා බලන්න මු දුන්න සයිට් එකවෙබ්ස්.කොම් කියලා එකක් මාත් ඉතින් ගිහිල්ලා හැදුවා එකක් මට මතක විදිහට මම නම දැම්මේ cheats&cheats කියලා දිනේ කියනවනං හරියටම 2010 අප්‍රේල් 10.

ඕක හැදුවේ ගේම්ස් වල චීට්ස් දාන්න.... කොහොම වුනත් මට වැඩේ අල්ලලා ගියා හැබැයි මම බඩු ලිව්වේ කඩ්ඩෙන්.... ඉතින් ඔහොම මාසයක් විතර යද්දි මට හිතුනා මේක සිංහලෙන් ලියන්න... හොර තිප්පොල කියලා නමත් වෙනස් කරන් වැඩේට බැස්සා ඒත් පෝස්ට් එකක් ලියන්න බෑ බෑ වගේ. ඔය කාලේ වෙනකොට මම බ්ලොගර් ගැන ටිකක් දැනගෙන හිටියේ ඉතින් මට හිතුනා බ්ලොගර් වලින් මේකෙ මම කලින් ලියපු පෝස්ට් සිංහලෙන් ලියන්න ඉතින් 2010 ජුනි 15 හොර තිප්පොල කියලා බ්ලොගර් වල මගේ පලවෙනි බ්ලොග් එක පටන් ගත්තා..... (මේ බ්ලොග් එකනං දැන් ලියන් නෑ..)

ඉතින් එදාම අර පෝස්ට් ටික සිංහලෙන් දැම්මත් දැන් සාපෙත් ලංවෙන නිසා ගේම් ගහන එක තවදුරටත් කරන්න වෙයිද කියලා හිතේ සැකයක් තිබුනා ඉතින් ඔන්න ඔහොම මම බ්ලොගර්වල මගේ තුන්වෙනි බ්ලොග් එක ඒ කියන්නේ මේ බ්ලොග් එක ලියන්න පටන් ගත්තා ඒ 2010 ජුනි 18 හැබැයි ජ‍නේලයෙන් එහා කියලවත් කිඩෝ කියන නමින්වත් නෙවේ ඕනෙ එකක් 4 ඕනෙ එකෙක් කියලා මගේ ඇත්ත නමින් හැබැයි ඒකෙනං තිබුනේ ක්‍රැක් කරපු සොෆ්ට්වෙයා වගේ අනංමනං.....

ඉතින් ඔන්න ඔය විදිහට බ්ලොග් කෙරුවාවට ආපු මට ඒ වෙනකොට සින්ඩි ගැනවත් බ්ලොග් කරුවන්ගේ සංගම් වගේ දේවල් ගැනවත් ඒ හැටි දැනුමක් තිබුනේ නෑ. ඉතින් මම ලිව්වා ලිව්වා බලන්න නං දෙතුන්දෙනෙක් හිටියා (මගේ ඉස්කෝලේ යාලුවෝ ඒ අය නං දැන් බ්ලොග් ලියන්නෑ) මාස 8ක් ෆලෝවර්ස්ලා කවුරුත් නැතුව කමෙන්ට් එකක්වත් නැතුව මම බ්ලොග් ලිව්වා මාස 8 කට පස්සේ තමා මගේ පලවෙනි ෆලෝවර් ලැබුනේ එදා මට ඇති වුන සතුට වචන වලට පෙරලන්න නං බෑ.... ඒ තරං සතුටක් මට ඇති වුනේ.... ඒ වෙනකොටත් මම බ්ලොග් කියෙව්වා ඒත් කමෙන්ට් නං කලේ නෑ.....

කොහොමහරි මගේ බ්ලොගේ අද තියන තැනට එන්න ඒ කියන්නේ මම කිඩෝ වුනෙත් මගේ බ්ලොග් එකජනේලයෙන් එහා විදිහට වෙනස් වුනෙත් 2011 අප්‍රේල් 23 වෙනිදා.... ඔන්න ඊට දවස් 3කට පස්සේ ඒ කියන්නේ 26 වෙනිදා මම දාපු ආප්ප හැන්ද පෝස්ට් එකට තමා මට පලවෙනි කමෙන්ට් එකයි දෙවනි ෆලෝවරුයි ලැබුනේ ඒවෙන කවුරුත් නෙවේ අනූ එහෙමත් නැත්තං බුකිවාසීන් දන්න නමින් කියනවනං ටිමෝන් දැන් නං ඉතින් බ්ලොග් ලියන්නේ කඩේ හාමිනේ නමින්..... ඉතින් ටිමෝන් කියපු විදිහට බ්ලොගියට පොඩි පබ්ලිසිටියක් දෙන්න මමත් බුකියට සෙට් වුනා ඒ ඉතින් බුකිවාසීන් කවුරුත් දන්න කිඩෝ එහෙමත් නැත්තං බුකියේ රෙජිශ්ටර් නම වන කුඩ්ඩා විදිහට.... කොහොම වුනත් මගේ ජීවිතේ ලොකු වෙනස්වීම් වලින් එකක් ඒ කියන්නේ බුකියේ බ්ලොග් අවකාශයේ මිතුරෝ ගෘපියට මාව ඇඩ් කරේ ටිමෝන්.... ඉතින් ටිමෝන් ඒ උදවුවට ඔයාට බොක්ක පතුලෙන්ම ස්තූතියි....

ඊලගට මට බ්ලොග් ලිවීමේදී වැදගත් කරුණු ගැන කියා දීපු බනීයාට හා අනුරාධ අයියාට මගේ බොක්ක පතුලෙන්ම පිරිනැමෙන ස්තූතිය...

ඇත්තටම මම අලුත් බ්ලොග් එකක් දැක්ක ගමන් ෆලෝ පාරක් දීලා කමෙන්ට් එකක් දාලා පුලුවන්නං බ්ලොග් අවකාශයේ මිතුරෝ ගෘපියටත් ගෙන්න ගෙන අලුත් අයට පුලුවන් උපරිමයෙන් සප් එක දෙන්නේ මම කලින් කිව්වා වගේ අලුත් බ්ලොගර් කෙනෙකුට ෆලෝවර් කෙනෙක් කමෙන්ට් එකක් ලැබුනාම කොච්චර සතුටක් තියේද කියලා මම දන්න නිසා මාස 10ක් ෆලෝවර්ස්ලා කමෙන්ට් නැතුව හිටපු මම ඒක අත්දැකීමෙන්ම දන්න නිසා.... තව කෙනෙක් කඩා වැටෙන දිහා ඒ කෙනාට අතනොදී වැටෙනවා බලන් ඉදලා **** සතුටක් ලබන්න තරං මම පහත් තත්වෙට වැටිලා නැති නිසා.... මට එදා බස් එකේදි මල පැනලා කතා කරෙත් ඔය හේතුව නිසා තමා මම දන්නෑ එතනදි මම හරිද වැරදිද කියලා ඒත් ඉතින් මම දැන් බස් පදින එක නවත්තලා හින්දා තව දුරටත් මම ඔය ගැන ප්‍රශ්න දාගන්නෑ....

කොහොම වුනත් මම තාම පොඩි එකා වයස ගැන කියනවනං අදට අවුරුදු 16 මාස 8 දවස් 6 කෙලින්ම උපන්දිනෙත් කිව්වොත් 1994.10.12 ඉතින් මේ වගේ පොඩි එකෙක්ගෙ බ්ලොග් එකක් බලන්න එච්චර කට්ටියක් නැති එක ගැන මට එක අතකට පුදුමෙකුත් නෑ.... මොනවා වුනත් අර ෆිෆා සින්දුවේ වගේ "when i get older i will be stronger" කියලා කියාගෙන මම දිගටම බ්ලොග් ලියනවා.... බ්ලොග් ලියන අනිත් අයටත් කියන්නේ (අලුත් අයට) සැලෙන්න එපා බොලා දිගටම ලියපල්ලා අර මම කලින් දවසකත් කිව්වා වගේ මට වඩා බොලා වාසනාවන්තයි දැන් ඉස්සර වගේ නෙවෙයි අලුත් අයට අතදෙන්න ගොඩක් දෙනෙක් බලන් ඉන්නවා (විශේෂයෙන් මතක් කරොත් මාරයා, මඩයා, අභියා වගේ අය නම කියවුන්නෑ කියලා අනිත් උන් තරහා වෙනවා නෙවේ...)

මේ බ්ලොග් කෙරුවාව ගැන කියනවනං මට අලුත් යාලුවෝ පිරිසක්, අලුත්/වෙනස් අදහස්, දැනුම වගේ ගොඩක් දේවල් ලැබුනාඉතින් මම බ්ලොග් ලියන එක ගැන මට ආඩම්බරයි.... දැන් නං උ.පෙ. නිසා මට පෝස්ට් දාන්න නිදහසක් නැති වෙයිද මන්දා ඒත් ඉතින් මේක අතඅරින්නෙ නං නෑ සතියකට පෝස්ට් 3ක් වත් දානවා.....

ප.ලි.

දැන් දැක්කේ මගේ ෆලෝවර්ස්ලා ගාන 52ක්වෙලා ඉතින් මගේ ෆලෝවර්ස්ලා 50 ටාගට් එකට යන්න උදව් කරපු මදුරංග අයියටත් මගේ බොක්ක පතුලෙන්ම දෙන තැන්කූ පාර....

ප.ප.ලි.

මගේ පෝස්ට් වලට කමෙන්ට් කරලා මාව දිරිමත් කරන, මගේ වැරදි පෙන්නලා දෙන සියලු දෙනාටත් මගේ ස්තූතිය

ප.ප.ප.ලි.

මට මෙතනදි කාව හරි අමතක වුනානං සමාවෙන්න හොදේ....

බූරුවාගේ සුන්දර සිහිනය....

හොදයි හොදයි කමෙන්ට් දාපු හැමෝම වගේ මම හිතන විදිහට තමා කමෙන්ට් කරලා තිබුනේ.... ඒ වුනාට ඉතින් පෝස්ට් එක දානවා නැතුව බෑනේ....

අද කාලේ තරුණ තරුණියන්ට (විශේශයෙන් කැම්පස් වල) පෙන්නන හීනයක් තමා ඔය සමාජවාදය එහෙමත් නැත්තං සැමට සමාන අයිතිවාසිකම් සහිත සමාජයක් කියන එක.ඒත් ඔය සමාජවාදය කියලා අපට පෙන්නන හීනෙ ඇත්තක් වගේ පෙන්නන්න හැදුවත් ඒ හීනෙ ප්‍රායෝගිකද කියල ප්‍රශ්නයක් මතුවෙනවා... මෙතනදි අපට කියලා කිව්වේ සමාජෙ අත්දැකීම් තියන අයට නෙවේ අපි වගේ සමාජෙට අලුතෙන් ඇතුලු වන තරුණ තරුණියන්ට.... මේ ගැන මම බූරුවාගේ විප්ලවය 1 හා බූරුවාගේ විප්ලවය 2 පෝස්ට් වලින් කිව්වා.

කොහොම නමුත් තරුණ තරුණියන්ට පෙන්නන්න පුලුවන් හොදම හීනෙ තමා ඔය සැමට සම තැන කියන ලස්සන හීනෙ.... මට කවුරු හරි කොහේදි හරි කිව්වා මතකයි පොඩි කාලෙදි අපි වැඩ කරන්නෙ අපට වාසි වෙන පැත්තට ටිකක් වයසින් වැඩි වෙද්දි (තරුණ වයසෙදි) ඉන්නෙ යාලුවොන්ට පණ වුනත් දෙමි ස්ථාවරයෙන් ඉතින් ඕනෙ ගොං වැඩක් කරලා ඔක්කොම එකට ගුටි කනවා හැබැයි කවුරුත් පාවා දීම් නෑ... දැන් කසාදයක් එහෙම බැදගත්තහම යාලුවොන්ට පන දීම ටිකක් අඩු වෙනවා මොකද දැන් ජීවිතේ වගකීම් හා අත්දැකීම් තියනවනේ.... බ්ලා බ්ලා....(හා මතක්වුනා අපට ඉංග්‍රීසි සාහිත්‍ය උගන්නපු සර් The Seven ages of man කරද්දි කිව්වේ...)

අන්න ඔය යාලුවන්ට පණ වුනත් දෙමි ස්ථාවරයෙන් ඉන්න කෙනෙක් අල්ලගත්තාම තව බූරු රැලක් එක්ක මුන්ව යුද්දෙකට වුනත් යවන්න පුලුවන් මොකද තරුණ ජවය වැඩි කාලෙනෙ මේ... පවුල් ප්‍රශ්න නෑ වෙන වෙන වගකීම් අඩුයි ඉතින් මේවගේ උන් ටිකක් අල්ලගෙන උන් ඉස්සරහට දාලා තමන්ගේ වැඩ කරගන්න තමා බොහෝ දෙනෙක් බලන් ඉන්නේ....

කතාව පිට පැන්නද මන්දා කොහොම හරි කියන්න ගියේ ඔය සැමට සම තැන ඇති සමාජයක් කියන සංකල්පේ ප්‍රායෝගිකද කියලනේ...

මගේනං උත්තරේ නෑ

ඇත්තටම මිනිස්සු කියන ජාතිය ඉන්නකං ඕක ප්‍රායෝගික නෑ ඔන්න ‍රොබෝලා වගේ හිතන්න බැරි කොටසක් ගත්තොත් ඕක ප්‍රායෝගික වෙන්න පුලුවන්.... මිනිසා කියන සත්වයා උපදිනකොටම අරන් එන දේවල් අතරේ ඉරිසියාව ලෝභය වගේ ගොඩක් දේවල් එක්ක ඉතින් සැමට සම සමාජයක් හදන්න නං මුලින්ම කරන්න ඕනෙ ඔය කියපු දේවල් මිනිස් සිත තුල උපදින එක නතර කිරීම ඒත් ඒක ගොඩක් අපහසු දෙයක් කියලා අමුතුවෙන් කියන්න ඕනෙ නෑ නෙ... විප්ලවයක් කරන්න පුලුවන් හැබැයි ඒකට හැමෝටම පොදු සතුරෙක් ඉන්න ඕනේ ඒත් ඒ සතුරා නැතිවුන ගමන් විප්ලව කරද්දි එකාවගේ හිටිය අය දෙකට බෙදෙනවා.... ලංකාවේ නිදහස් සටනෙන් පස්සෙ වුන දේවල් ඉන්දියාවේ නිදහස් සටනෙන් පස්සේ වුන දේවල් මේකට හොදම උදාහරණ මේ ගැන බ්ලොග් එකකත් ලියලා තියනවා දැක්කා...

ඔය වගේ සැමට සම තැන ඇති සමාජයක් හැදුවා කියමුකෝ ඒත් ඒකෙ පැවැත්මක් තියේවිද? සොභාදහම හැම දෙයක්ම වෙනස් විදිහට නිර්මානය කරලා තියෙන්නෙ ඇයි... ලෝකයේ පැවැත්මට ඒ විවිදත්වය අත්‍යාවශ්‍ය නිසා එහෙම නැති වුනොත් ලෝකයේ පැවැත්මක් නැති නිසා.... ටිකක් හිතලා බලන්න දැති රෝද කට්ටලයක් ගැන දැති රෝද හැම එකක්ම එකම ප්‍රමානයේ වුනොත් මොකක් වෙයිද? හා දැන් ඔහොම සමාජයක් හැදුවා කියමුකෝ දැන් සම මට්ටම කියන්නේ මොකක්ද? ඔක්කොම රට පාලනය කරන්න යනවද? ඔක්කොම පොල් කඩන්න යනවද? දැන් එතකොට කාටවත් කවුරුවත් යටත් නෑ තමන්ට හිතුනු විදිහට ඕනෙ දෙයක් කරන්න පුලුවන් එහෙම වුනොත් මොකක් වෙයිද නිකං කල්පනා කර‍නකොටත් විහිලුවක් වගේ නේද අර පිනෝකියෝ කතාවෙ වගේ වෙයි හා එහෙම වෙන්නත් බෑ නෙ ඒකෙ පාලනය කරන්න එකෙක් හිටියනෙ නැත්තං අරුං කන්නෙ මොනවද

දැන් හිතලා බලන්න ඔය කියන විදිහට මුදල් හැමෝටම සම සමව ‍බෙදිලා යනවනං මුදල් කියන දෙයට වටිනා කමක් නැති වෙනවා නේද... ඇයි ඉතින් මහන්සි වෙලා වැඩ කරන එකාට ලැබෙන ගානම ගෙදරට වෙලා නිකං ඉන්න එකාටත් ලැබෙනවනෙ.... ඉතින් එහෙම වෙනකොට කවුරුත් වැඩ කරන්න යයිද? ඔක්කොම කිසි වැඩක් නොකර ඉන්න එක කරන්න පුලුවන් දෙයක්ද? එතකොට වෙන්නේ කන්න බොන්න නැතුව අපි ඔක්කොම මැරිලා යන එක නෙවෙයිද....ඔහොම තත්වයක් යටතේ දනවාදී අදහස් මතුවෙන එක වලක්වන්නත් බෑ නේද?

ඉතින් ඕක ප්‍රායෝගික දෙයක් නෙවෙයි කියලා දැන් පැහැදිලි වෙනවා නේද ඕක හීනයක් විතරයි ඒත් ලස්සන හීනයක්..... ඉතින් ඔය හීනෙට තව දුරටත් අපි රැවටෙන්න ඕනෙද.... අර කමෙන්ටුවක කියලා තිබුනා වගේ විප්ලව කරන එක නෙවේ අපි කරන්න ඕනෙ රට පාලනය කරන පාලකයන්ට උදව් කරන එක එහෙමයි රටක් හදන්නේ.... උදාහරනෙකට ගන්න ලිබියාව අර රජය පෙරලන්න හදපු උන් ඉල්ලන් නේද කෑවේ ගඩාෆි තාමත් එහෙමම ඉන්නවා ඒත් අර රජය පෙරලන්න හදපු උන්ට ගුවන් ප්‍රහාර ගැන ඇහෙනකොටත් චූ යනවා ඇති නේ.... ඉතින් විප්ලව කරන්න ගිහින් ඉල්ලන් කනවද රට කරන උන්ට රට කරන්න උදව් කරනවද කියන තීරණය තියෙන්නේ අපේ අතේ... විප්ලවයක් කරන්න ඕනෙ විප්ලවයක් කරන්න ඕනෙ වෙලාවට හැම රෙද්දකටම විප්ලව කරන්න යන එක බූරු වැඩක්....

ප.ලි.

මම කලින් පෝස්ට් වලත් කිව්වා වගේ මම මේ කියන්නේ මගේ මතය ඉතින් අනිත් අයගෙ මතයන් එක්ක ඒක වෙනස් වෙන්න පුලුවන්.....

ප.ප.ලි

‍මේක මගේ 49 වෙනි පෝස්ට් එක ලබන සෙනසුරාදා ඒ කියන්නේ 18 ‍වෙනිදට මගේ බ්ලොග් එකට අවුරුද්දයි එදාටම 50 වෙනි පෝස්ට් එකත් දානවා... දැනට මගේ ෆලෝවර්ස්ලා 44 එදා වෙනකොට ඒකත් 50 වෙලා තිබුනොත් නියමයි....